肺腑之言 3
2009/08/28 15:57:24
網誌分類:
閱讀
可能大家都冇乜留意, 我地好多時都講嘢, 都好死多肺腑之言ｏ（用肺泥講嘢！）
例如:
在茶樓遇見朋友會話: 早晨, 飲茶牙？
（大佬, 泥茶樓唔係飲茶, 唔通食西餐乎？）
又例如坐船撞倒朋友, 又會話ｏ HI！坐船牙？
（大佬, 唔係坐船, 係倒做乜, 唔通坐飛機？）
坐緊𨋢見倒朋友, 又例牌話, 坐𨋢牙！
（唉！唔出聲又驚人話冇禮貌！唯有講癈話啦！）
總之大家日日都講好多肺腑之言, 大部份都係冇乜意思嘅, 咁又無傷大雅也！
人地去賭錢, D人梗係講句: 嬴多D呀！
（大佬！唔通想去輸多D咩？）
小心投注呀！
（唔通小心就得牙？嬴輸靠運假馬！講咗等於冇講！正廢話！）
但如果見倒人唔出聲, 又好似冇乜禮貌, 講吓肺腑之言啦！
信黃sir講ｏ一定冇衰嘅！
你好呀，我都好常聽到一D肺話架！咪就係我D FD囉！
另外，我都識得一個好常講肺話既人———本小妹.....
之所以講，係因為唔想有冷場而已！
哈哈!
（最後呢句好似唔洗講都得喎.....）
錦....字
贊成呢個論點。
「但如果見倒人唔出聲, 又好似冇乜禮貌, 講吓肺腑之言啦！」
朝早見到人講聲早晨，其實一d都唔算係肺話。只係基本禮貌。
人地去賭錢, D人梗係講句: 輸少少好啦.