女兒的玩具 Pac-Man

講開買玩具俾女兒, 當年剛剛是蘋果電腦二型（apple 2）流行的年代（八十年代）, 黄sir自然添置一部, 同女兒一同玩電腦遊戲啦ｏ

當時硬碟要成五千幾皮一部, 所以要改用一部單聲道的錄音機將遊戲程式輸入電腦ｏ

通常一個遊戲輸入要十多二十分鐘才完成, 但如果螢幂出現一錯誤信號（Err！）又要再由頭泥過！玩也玩得麻煩過人！但两父女卻樂在其中！

但成功後, 就出現畫面, 其中黄sir最鐘意的遊戲是一個叫做食鬼的遊戲ｏ

畫面是一個迷宮, 其中四角有大力豆, 吃了大力豆可反過來追殺d鬼！非常好玩！d鬼被追殺時會騰鷄, 变晒色！好有動感！

黄sir女兒鍾唔鍾意玩, 黄sir己無印象！但黄sir就自已玩到廢寢忘餐矣！嘻嘻！

黄sir想講的就是, 大朋友根本一樣可以童心未泯！籍住小朋友要玩, 就大把籍口添置d玩具俾自已玩啦！

黄sir就係咁嘞！唔知人地係唔係咁呢？吓？

Pac-Man @ xtcabandonware.com