動態微調

近來祖國提出了動態微調, 股市就應聲而跌！可能大家理解的動態微調不同, 故有此現象！

正如以往祖國一声宏觀調控, 許多人就被調到鷄毛鴨血, 傾家盪產！還記得當年好多爛尾樓嗎？就是宏觀調控下許多發展商借唔倒錢, 爛了尾！

今次動態微調又是什麽一回事呢？中央要保八, 放水四萬億人民幣, 本意是增加基建, 內需, 借錢俾工業生產！

但D古惑友, 就攞D錢去炒樓炒股票！不務正業！亞爺看在眼裏, 又焉能不調你一調呢？

但一調就冧！一冧就保不了八！（相信八都係隨口噏數字！保七一樣冇乜事者也！）於是就搞個動態微調出來！

銀行借錢俾人, 去炒股炒樓ｏ亞爺就揾人入駐銀行查吓佢帳！等佢知道咁做唔妥就是！

個市跌得两跌, 就開放QFII（即准境外投資者）投資額由八億美元增加到十億！等外資幫手, 力撐唔好再跌！

呢D就係動態微調嘞！動態就是失驚無神動你一動！微調就係調到你跌又跌唔死！升又升到發唔倒達咁解啦！

呢D叫政策市！

想賺錢？當然要好有橋至得啦！