祝願阿根廷出綫
馬勒當拿執教阿根廷,在周末贏秘魯後仍保持直接出綫希望,但最後一仗是作客烏拉圭,十分難踢,因為對手粗野,阿根廷則細膩,格食格。
我都希望阿根廷直接出綫,不用打附加賽,我不是說馬勒當拿教波好叻,大家都知阿根廷裏好波之人太多,任何「聲望」不夠的教練主轡,根本搞不掂這班球員大帝。老馬喝一聲,罵幾句,管你是天皇巨星,一樣要收聲。華朗就算唔滿意,都係事後才吐苦水。列基美一搞對抗,即刻無得玩。
阿根廷就算出綫,都是一盤散沙,縱使有幾多好波之人,再加埋馬勒當拿的名氣,到世界盃入到八強已是上上佳作,不會苛求他們去捧盃。我們不是未見過阿根廷打附加賽,當年重召馬勒當拿上陣,結果淘汰大洋洲冠軍澳洲才辛苦出綫,南美洲各國大家波路太熟,幾好波都俾人睇通,所以阿根廷打歐洲或亞洲隊伍有得威,對番南美對手成日無運行就係咁嘅原因。