兩大挑戰
2009/10/19 23:16:54 網誌分類: 未分類
明天星期二,我將面對兩大挑戰,小襪和二號仔同時做手術。
小襪的心跳暫時可以控制,獸醫見機不可失,拿拿臨替牠絕育;之前不敢做,是因為手術要打麻醉針,會令貓心跳加快,小襪本來心就不好,麻藥有可能令牠不再醒過來。
明天的手術,是用吸入的麻藥,獸醫說風險低些,但亦不敢百分百擔保......
二號仔更麻煩,牠有牙齦炎還有蛀牙,要麻醉洗牙和剝牙,牠已幾天沒吃東西了,不知捱得住否??
這陣子極忙,忙得沒放能放太多時間給牠們,忽然掛念一家十貓樂也融融的日子,好似很遙遠吶!!!
祝貓貓好運......
一定無事,
放心laum.
關小姐,
2位小主人而家點呀? 你仲未上黎報平安,大家好擔心呀~
妳和貓地都要加油啊 !!!
關小姐.
人地話做父母既,養兒一百歲,長憂九十九,原來用係視如親兒既小貓小狗同其他動物身上,都係咁貼切既,放心啦,貓貓們知道你咁鍚佢地,一定會好快好番比你睇,返屋企繼續搗蛋架...
各位,多謝大家為小襪和二號仔打氣,剛送牠們到診所了,希望幾小時後沒有事,平安回家。
關小姐, '小襪' 和 '二號仔' 一定會 '吉貓自有天相', 順利完成今天的手術, 然後好快又會上演 '十貓大戰' 0架啦, 讓眾貓奴們一起為您們打打氣吧, 加油呀!
十貓一定很快又會和關小姐一起樂也融融!
放心啦)))))
一定無事ge,佢地都咁鍾意呢個家,高床軟枕,好食好住!
希望佢地快快脆脆好返!Wish your family all the BEST!!!
他們一定會平安回家的. 不要太擔心.
關小姐:不要小看他們的生命力啊! 放心啦, 佢地醒番之後會好嗲咁嗲住你架喇~! 阿媽, 我要抱抱...