荒唐世局

如果有班賭仔, 輸清夜光, 有人打本俾佢班友再搏！（似乎現實生活, 都怕好難揾！）但一個唔該, 呢班友時來運轉, 嬴到開巷！將d本還番俾借錢俾佢賭個傻瓜！各人大魚大肉！分水去也！

請問作為借錢俾班友借艇割禾的儍瓜！會唔會氣頂呢？

近期見倒美國佬的投資銀行, 就係上文所言的借艇割禾的賭仔！班友分花紅分到笑！而美國政府（即美國人民！）就係俾錢班友賭的儍瓜！

班友輸清夜光, 要人救！多謝都冇聲！

但一旦嬴大錢！又故態復萌！真係唔得佢死！

但美國佬也不是省油的燈, 佢班友開佐印刷機, 就大把美金印出泥！真係想窮都難！

如此一來, 搞到黃金價格飛昇！真冇修！

而香港仲過癮, 大把所謂熱錢湧入來！搞到d豪宅幾万尺！連一個新仔女医生加律師男友都大歎冇能力買！全城為之嘩然！

近日股市又破幾多幾多點！似乎越吹越勁！

究竟呢個世界發生佐乜事呢？吓？