大週期

早幾日，朋友醒左兩句野比我...

去捉一個細浪, 不如去捉一個大浪
去捉一個大浪, 不如去捉一個大週期


以 前有一排炒美股，晚晚九點鐘開始睇住個市直到第二朝四點先訓，日日返到公司已經係下晝。在公司攪小小野七點鐘左右走，晚上九點又開始另一個炒股生涯。炒左 成年，都係上上落落，有賺有輸。最好景果陣試過在三日將資本增加三倍，當然又試過在幾日間唔見幾十個巴仙。好彩果一轉有抽資出黎，買左部日本小車獎勵下自 己之後仲有一筆錢入袋。留在美股戶口D錢冇幾耐之後就入晒D 蟹貨，依家淨番果陣已經幾乎喳都冇埋。

被迫停左冇炒美股之後，舊年年中開始又炒港股，日日朝十午四。都係一樣，試過在好景時執過好大舊錢，最終又唔見番一大舊落去，由年頭到依家雖然香港股市升左咁多，而我只係變番微利，又係得個吉。

呢兩轉炒股人生，令到個人好緊張，成日食唔安坐唔落。帳面上進帳一D都唔多，上上落落得個吉，而我就好明顯已經輸左---- 輸左時間、輸左心情、輸左健康。每當坐艇時，我個人就最理智。依家反醒翻，原來我係一個投機者，所以經常三更窮、五更富。

細 味朋友講果兩句野都幾有意思。去捉一個細浪, 不如去捉一個大浪; 日日對住，日日做買賣反而令到自己急急入貨又急急出貨。決定多，犯錯機會亦會多。一個錯誤決定已經可以輸晒十個正確決定所淨來的。到不如安安靜靜等一個大 浪確認時才出擊。去捉一個大浪, 不如去捉一個大週期; 要捉大浪亦不易，升浪、跌浪又有誰知呢?
但要捉一個大週期相對捉大、小浪容易，可以十年才作一至兩個決定。但一個正確的週期決定，利潤一定會不俗。

我在八月底賣了部份股票吐現作物業的首期後，現在我已減小了股票出入，有時兩星期都沒有一個交易。朋友的兩句說話尚有很高深的意義，唔係一朝一夕可以參透箇中真理!