懷往事之 塘西歲月

黄sir細時, 住在 西區 石塘咀 晉成街, 在附近有两間酒家, 一間叫做金陵酒家, 一間叫做廣州酒家, 據講戰前两間酒家是有歌伶唱歌陪酒的, 客人用花箋召歌伶去献唱, 但我無緣一睹盛事, 只能聽D大人吹水時講起而已ｏ

偶然見有位仙風道骨的老婦經過, 原來就是當年四大平喉之一的徐栁仙小姐了ｏ一曲再折長亭柳！天下無敵！

在晉成街口住有顧天吾一家, 據說是戲班中人, 做武生啩？眼見十分霉！做成家人看猤起戲行人！想入戲行？休想！否則以黄sir之資質, 長相, 天賦條件！入了行成就豈會不及林家声？（起碼而家少華師父都可能, 或者, 似乎會同意啦！）

在街口有一相命先生, 招牌叫做金吊桶, 靈唔靈就唔知了, 生意就認真麻麻地矣！又係周日清之流！

街上偶然有些老女人經過, D大人話佢, 曾做過琵琶仔, 是風月塲中人, 但卻並無不敬之意, 當年的風月塲不等於色情塲所, 是高級娛樂場所趙是ｏ

晉成街附近有兩家戲院, 一家叫做太平戲院, 一家叫做金陵戲院, 太平戲院有時做大戲, 是我小時經常出入的地方, 尤其是公餘塲（五點半塲）專做西片, 我的英語就在那是打好了基礎, 好似而家仲有D尊榮的牛仔音尾ｏ

有一輪我專睇中聯出品的電影, 即吳楚帆, 張活游, 張瑛, 白燕, 黄曼梨, 黄楚山等等的電影ｏ計有激流三部曲之 家, 春, 秋, 危樓春曉之類ｏ搞到而家我D道德倫理觀念都有D似吴楚帆, 成鬼日叫人唔好食碗面, 就反碗底, 粵語片對我日後的待人接物影響極大！嘻嘻！