12月14日 上海慨念

　　小左更新網誌，不過呢段期間恆指同一眾國企都捱沽，可謂相當慘情，不論升跌都唔好買貨，現時值博率不高。

　　小弟返　part time　都會接觸到唔同既人，當然我唔係做出聲個位，係旁邊扮下傻聽幾句。老闆同ｄ老闆／管理層之間好鍾意講下大環境經濟，一講股樓佢地就有排講，最近佢地就講起上海。

　　一講上海，係股市可能就諗起上海實業，此股當然不是國企，但紅色資本味濃，有市政府撐腰。而且此股近年轉做房地產，以上海為中心。其實睇番上實此股咁多年咩業務都有沾過，結果周身刀冇張利，近年轉攻基建，房地產，就連股價都玩緊上海慨念，現時都講緊上海樓價未來會有升無跌？

　　先不論係咪有升冇跌，先睇番上實，講到尾佢係一間控股公司，手上既公司我諗係最近被受重視既上海城開，未來仲起緊樓，但觀察過少少片段，有感大陸既住宅樓其實幾空，但如果用長遠去諗，真係見人見知。

　　先參考以下既報告：

上實以總代價27.65億獲母企注入滬2幅住宅用地及滬渝高速項目。摩通隨維持「增持」及看44.3元，以反映相信上實有能力透過增土儲提升資產淨值。

該股繼昨天偷步逆市升至$44.65，受制7月底所創近年半高位$44.8後，今早藉好消息跟隨大市獲利回吐，最低見$43，現造$43.15，回吐2%，成交142萬股。

上實控股收購母企青浦地皮及滬渝高速，美銀美林隨即將其目標價由53.5元上調至57元，評級重申「買入」，認為獲母企有力支持，前景樂觀，並預期核心盈利增長強勁，及有更多物業併購，與基建業務進一步帶動未來表現。

先排除目標價，以上所講既都係真既，但值唔值咁多錢就另一回事，我地得閒再講一講上實。

　　講番小弟持股，小弟現時持股同現金係８０％股票２０％現金，有感相當危險，但手上既貨中，中移，中行，華能，中鋁，中鐵ipo，要搵一隻去減持相當可惜，所以決定做老襯，一股都不沽，再倚靠份糧不斷開拓買股比例。

　　唔知有冇年青人有睇，小弟認為趁後生唔好消費咁多，集中買股票先係未來中心。