懷往事 之十年黃金变爛銅
2009/12/24 10:59:40 網誌分類: 遊戲
以前八十年代有位財經專家, 在信報有個專欄, 專寫炒賣外匯商品, 叫陳什么,什么燊似的ｏ佢最叻就叫人唔好買金, 佢嘅金句係, 十年黄金变爛銅, 意思即買金又冇息收, 又唔會昇值（錯得好鬼緊要！）ｏ過了十年, 它的價值只能相當於現價之爛銅價而己！（又係錯得好鬼緊要！）
有一段時間, 金價真的不变牛住, 佢於是成了一代宗師ｏ（時也, 命也ｏ）
跟住佢成立了一個什么太陽基金之類貨色, 專炒外匯, 十文上市, 有段時期炒到十三四文, 太陽陳真是風光一時ｏ）佢果陣在新鴻基任職, 倒也揾過錢！
但像好多投資故事一樣, 好景不常, 太陽基金一路輸錢, 相信到如今已是收塲惨淡矣ｏ
試想一個思想錯悞的人又怎可能嬴錢呢？正如一個以為所有星球是繞住地球轉的人, 又怎會明白天文之真蹄呢？
投資市塲, 經常有此類人, 一朝得志, 語無倫次, 其實本身思想混亂, 卻去教人點賭點賭, 加上傳媒吹捧, 成了一代股神ｏ近年有線的什么青姐, 什么陸叔, 什么師傅, 師公, 皆是此類人物！黄sir見盡猤少此類人物ｏ收塲惨淡也！
大家千祈咪鬼聽佢地支笛呀！
黃 sir ，小弟講的是電台名嘴的老友，相信他們都是港大的畢業生，應是您的師弟。
最後搞到經紀被停牌。
曾教授是有錢佬的投資法，最叻平均線，唔投機就 ok。
浸大麥教授很早出一本期權理論書，小弟的仔仔都是看他的那本書學期權理論，藩玉琪的著作就實踐些。
投資也好，投機也好，理論當然不可缺少。其實市場藝術更重要，大鱷表演出神入化。
大專界而家最出名就係城大曾淵滄啦！港大張五常是經濟學者！我識d都係老餅啦！以前理大都有幾個成上電視講財經d教授！我眼見都係唔得嘅居多！
最近浸記員ヱ公積金輸到校長猛呻！
黃sir 講開又講，有位港大的講師，又是搞基金，炒期權。您可能認識他，又是咁上下年紀。
黃 sir 對啦，都是您好記性，太陽基金-陳新燊。
小弟又要為財經演譯員說句心中話(大鱷的傳聲良筒例外)，其實要去準確預測個市升降是一件吃力不討好的東西。市場根本人為因素太重，任由大鱷操控，升可以升到超超值，跌可以跌到很恐怖。接近三百元的港交所，利用種種手段引君入甕。三十多元的大笨象，一日就狂插十多元，嚇到保險箱的棺材本都要奉献。
市場就是這樣週而復始地運作，認叻那個就必死。
要在市場站穩腳步，就要學足三十六般武藝，最重要還是修讀市場藝術。
唔好信專家，一定要信自己。
太陽基金是由陳新燊先生主理！佢叫做SUNNYｏ所以叫太陽囉！
黃 sir 午安，您題材都合小弟，炒這味更合，小弟現靠它消磨光陰，增加生活情趣。
您講的 "黃金變爛銅"，那位專家好似是黃先生，是新鴻基証券的財經專家。
其實他又不是完全錯晒。小弟雖是投機，不過是唔會炒金。
待續
甚麼太陽星星月月基金早已摺埋. 某君最近更被人追債.
投資最忌人云亦云, 如果買賣股票要靠打電話去電台問陸叔石sir, 或是靠看報祇（包括網上）的專家，就不如唔好玩.
自己心水, 賺蝕自己事, 一己之見.
黃 sir: 早晨. 好多財演說話不負責任.
+1