12月31日儲錢時期

　　轉眼間已經一年，２００９年大市急速回升，又到２００９與２０１０年交替既日子，預計２０１０股市都應該幾大浪，國策勢成焦點。

　　小弟係２００９年主力短炒，短炒賺來再入一些高息股，如華能，再加入資源股中鋁。不過，暫時來看呢個策略係失敗左。因為現價遠較買入價為低。如華能５．１９買，現價４．３６左右。

　　但在２０１０年小弟目標是買大型國企和派息不錯的股票，如建行，工行，SOHO中國也不錯，如有多餘錢再加入一些內需股，但目標暫時太遠。

　　講番大市，由１２月起，股市雖然指數冇大上落，但好多股票都跌得非常慘烈，只可以講句Oh My God 哈哈，　但有感恆指不如初時想像般有咁強既力度，所以大家都趁年尾儲下錢，有雙糧再儲，因為表面看恆指是淡勢，保守較好，如三大內銀插穿某些特別支持位而又深一點，可以考慮，從圖表睇，三隻內銀股下跌個勢非常靚，大家小心一點，雖則可能有反幅，但小心為妙，內銀和匯豐值博率現階段始終不足！

　　當然，長遠而現，現價都ｏｋ，但臨近新一年，股市可能頭幾個月較反覆，即使入市就算有水位去賺，但可能飽食驚風散。

　　祝大家新一年生生猛猛，最緊要健康！