懷往事 之 歸去來辭

講開文學, 又不妨介紹你地讀篇 歸去來辭 吖ｏ

作者是吾友陶淵明兄, 佢老哥就係做官做到揮揮手, 不帶走一片雲彩, 自言不肯為五斗米折腰, 提早退休, 返鄉下耕田ｏ

關掉一扇窗, 打開一道門, 做了田園詩人ｏ 種菊東籬下, 悠然見南山ｏ日日唱粵曲（可能係京曲, 因為佢係外江佬也ｏ） 跳吓社交舞, 冧巴呀, 牛仔呀, 查查呀, 又種吓d有機食物, 頂癮到死！

呢篇 歸去來辭 就係寫佢D咁嘅生活………正所謂: 歸去來兮, 田園將蕪胡不歸（粵曲 胡不歸 就係抄呢句）ｏ…….悟已往之不諫, 知來者之可追, 實迷途其未遠, 覺今是而昨非, 舟搖搖而輕揚, 風飄飄而吹衣, 問征夫以前路, 恨晨光之熹微ｏ（辭官歸故里, 提早退休也）

返到屋企……

童僕歡迎, 稚子候門, 三徑就荒, 松竹猶存,  携幼入室, 有酒盈樽, 引壺觴以自酌……..飲飲食食……..真係快活過神仙也ｏ

跟住D生活……

農人告予以春及, 將有事於西疇, 或命布車, 或掉孤舟…….去櫬慹鬧, 玩餐飽矣……..一月一日又去遊行吓！衝擊吓中联辦！認真頂癮！

成篇嘢, 充滿了悠然自得的心情, 同黄SIR而家嘅生活就有D D似嘞, 不過黄SIR就忙好多, 又操曲啦, 又練舞啦, 又刨三Ｔ啦, 一個唔該中正三Ｔ獨得幾千万, 開個個人粵曲粵劇表演大會, 請晒平日同黄SIR操曲D靚師妹出SHOW, 請埋細妹做番套折子戲, 叫笑話哥揾晒佢D老友嚟玩番鋪勁, 好似刨刨呀, 詩詩呀, 聲仔呀, 個個有份！

哈, 幻想真好！大家有乜要求,寫低先啦ｏ 嘻嘻！