懷往事 之 審時度勢

世人最鍾意一本通書睇到老, 做人做事一成不變, 但世事日日不同, 又點可以如此呢？

審時度勢, 即見機行事ｏ 孫子兵法有云: 兵無常勢, 水無常形, 意思是戰爭行為如水一樣, 變化多端, 不可固步自封, 才可勝利ｏ而做人也一樣, 有時要進, 有時要退, 怎可以以為自巳啱晒, 一意孤行呢？

韓信先生背水列陣, 置之死地而後生, 一戰功成ｏ 而馬稷（被孔明揮哭斬果位）馬先生自困於高山, 自絕水糧, 又係置之死地（希望而後生）, 結果大敗ｏ就是冇審時度勢的結果了, 此一時也, 彼一時也, 點可照搬前人故智呢？

世人都很懶惰, 常常以為隨波逐流, 順其自然, 就會船到橋頭自然直, 點知直就直, 不過係瓜直ｏ

如果用一條成功方程式就可以走完一生, 咁都唔會有咁多人日煩夜煩啦ｏ有D嘢今日得, 明日就唔得了ｏ

好多人以為做開啱, 就成日都啱, 不思進取！

梗係唔得啦！要審時度勢假嘛！嘻嘻！