懷往事 之 讀書破万卷,

有云: 讀書破万卷,下筆如有神ｏ 有如神助, 即文思如潮, 佳句紛陳, 言之有物, 不落俗套, 能說出別人想爆了腦, 也想不出的道理ｏ

做到這個效果的第一個前提, 是要讀書破万卷ｏ 重點不是讀書, 讀書的人, 多如牛毛ｏ 君不見日日返學, 天天上課, 人人讀書, 但能做到像愛恩斯坦, 牛頓, 吾師高錕咁識諗嘢, 真係鳳毛麟角, 少之又少！

原因是什麼？就在個 破 字ｏ 不是在個 讀 字ｏ 讀萬卷書等同行萬里路, 你想想, 日日係處行吓行吓, 會唔會聰明咗吖７ 咪得過行字！

所以今日教大家嘅, 就係個 破 字, 點解呢個字咁重要？

有冇聽過 看破紅塵 呀？有冇聽過D禪師教人不要 道破 呀？所謂看破, 道破, 就係叫人睇到事情的真相, 明白當中的意思, 不只是去讀 要去想想事情的合理性, 有冇弦外之意ｏ

簡單D講, 讀書唔好照單全收, 要用個腦諗吓, 要自己消化吓至得ｏ

如果你能夠讀破萬卷書ｏ 即讀得書多, 又深明其中的道理, 不是讀死書, 死讀書, 讀書死！

咁樣去讀書, 先至有用嘅, 明冇？