1月13日 存款準備金

　　今天（１２日）　內地突然提高存款準備金０．５％，消息一出大為震動市場，明天是升是跌暫不知道，但只知美股現時下跌中。

　　其實今年中國是調控一年係意料中事，所以突然加存款準備金冇壞，只要唔買野住就已經冇問題，承如之前幾篇網誌，都係盡可能現金和儲錢為主，內銀和匯豐等缺乏值博水平，只有投機成份，不宜沾手，但若果借存款準備金率借勢下調，如果下挫有點深度，大家都不妨一小注。始終內銀已經上升很多，現水平偏貴，阿爺要壓一壓，但經歷過金融海嘯，阿爺已經顯示出中國唔衰得，幾歹都托到底，未走出危機點都唔收水，但係阿爺亦唔希望俾人大炒特炒，所以２０１０年真係有調有保，難避免波動，大家都係小心一點炒，不妨見低小注一些實力股。　

　　就小弟看來，若果此調整以內銀為中心，咁三大內銀，工中建穿破某些大位，如中行４元，工行６元，建行６．１左右，再等調深一會如中行3.5；工行5.７；建行5.8，不妨買些小。

　　小弟是內銀粉絲，對於內銀比較留意，可能大家會嫌悶，但內銀其實平淡中帶到點樂趣。　另外，有傳中行要集資５００億人民幣，相信真有其事，但只是普通事，不用擔心。

　　小弟持有中行，中移動，中鋁，華能和中鐵ipo，以上內容只係小弟意見，沒有推介成份，亦非叫朋友們即刻買內銀，大家可以有時間觀察定ｄ先。