風水鴨的退路 2

今次風水鴨自招大禍臨身ｏ相信大家都好有興趣知佢點甩身？

此君有能力呃倒小甜甜廿多億元, 又有咁多律師証人同佢去爭產, 相信冇理由唔想到一旦被人識破, 如何去自圓其說！

似乎此案之出現, 乃沿自上一宗小甜甜與家翁爭產時ｏ亦是由一張初被指為偽造的遺囑而起！後來去到終審庭, 被推斷為堅嘢！小甜甜王國由王家轉了給龔家！但亦因小甜甜上訴時, 已承諾全部家產捐贈慈善基金！今次乃慈善基金與風水鴨之戰吧了！

想有人見獵心善！一紙遺書, 竟有此無窮威力！香港司法制度真係信得過之至也！夾錢去試試都搏得過啦！嬴咗派彩一千億噃！（唔係一千万呀！）

今次亦是一紙遺書定輸嬴！有人希望同上仗一樣！所以一定上訴至終審才會心息的！

何况玄學人仕, 玩到出神入化！玩玩吓自已都信咗自已有此法力！番屋企擺番個風水陣！又掘d洞！藏d法器！可能結局又會出人意表呢？

何况使用偽造文件才有罪！但當事人堅信此乃真文件！正所謂猤知者不罪！（正如迷信有罪咩？）

佢都係俾人”扇”一劑之馬！唔通”扇”人冇罪！被人”扇”反而有罪咩？

相信呢個就係風水鴨甩難的辯詞了！

唔知大家又肯唔肯收貨呢？吓？