迎虎年之賀年食品

過農曆年, 以往是孩子們最渴望的日子, 一來有利是逗, 二來有很多賀年食品ｏ

例如 油角, 煎堆之類, 炸油角, 以往更是小朋友大顯身手的日子ｏ由搓麵粉開始, 已很好玩, 通常我們多數發揮頑童創意本色, 例如做支大大的男性象徵一具, 通常傭人啋一聲, 笑住照炸如儀ｏ

又走去刨羅白, 整羅白榚, 又係玩過不亦樂乎ｏn做出來的榚, 用一大銻盤（有洗面盤咁大）裝住, 蒸熟, 有蝦米, 臘肉之類ｏ多數一塊塊煎到金黄才吃, 好食過而家酒樓賣D多多声矣ｏ可能羅白夠多, 又係自已有份製作, 份外好食ｏ

至於年榚, 煎堆, 笑口棗都是自製, 很好玩的ｏ

以前日子唔係餐餐大魚大肉, 要過節, 如春節才會有魚有肉食, 有靚湯飲ｏ

黄sir過節通常會有鮑片食, 係麥西哥果隻車輪鮑（而家賣到五六百文一罐, 一不留神就買到假貨, 剩係得張招紙係真, 真慘ｏ）

車輪鮑用両油簡簡單單整吓, 已經十分好味, 當然要用生菜做底啦ｏ

黄sir過節仲一定有茄汁大蝦碌, 我唔食頭, 專食中間部份和蝦尾, D壳都好好味ｏ落手揸住食, 好有快感也ｏ

大"扇"鷄（真係好大隻, 成三四斤重都有）用湯淥熟斬件就食得ｏ鷄脾通常成隻食,分倒一隻就快活過神仙了, 通常靚仔乖就有ｏ（我梗有啦！）有時煲牛白腩蓮耦湯, 好似有加D髮菜, 両士, 十分和味ｏD牛白腩點D 余均益果隻辣醬就至正ｏ（我而家都係只食呢隻辣醬嫁ｏ）

至於利是錢, 更是小朋友一年最富有的日子ｏ家中過年, 兄弟姐妹親友就大開賭禁ｏ小朋友也可以賭番两手, 有十點半（啤牌）, 魚蝦蟹, 大小（同澳鬥賭枱一樣）ｏ我家小朋友, 風險教育由此開始, 輸光也不准喊, 等佢地知道賭未必實嬴也ｏ黄sir的第一桶金, 亦在過年時揾倒者也ｏ