2月17日　新年開市

　　新年第一日開市，今日想先講華能，回顧２００９年中國除了成功保８外，更加大力推動刺激經濟既政策，係０８年恐慌既一年裡，除了風雪和金融風暴令中國既電力股大蝕錢，但係０９年電力股回復番盈利，雖然２０１０年面對煤價仍然可能有上升既壓力，但相信仍然可以保持穩定既盈利。

　　華能係國內大型主力發展火力發電國企，多年內都有穩定既派息，而且派息不錯，而且股價來來回回上落係某一個位，所以唔差得去邊，截至０９年中既中期錄得番盈利，而且預告2009全年業績扭虧為盈，實在令不少支持者安心，預計今年又可以有穩定既利息，真係諗起都開心！

　　華能股價係上年１２月開始急挫未知原因何在，但在今年１月曾經低見4.1附近，實在返回海嘯時3.5的位置不遠，加上早已預告２００９年業績有盈利，當時急挫確嚇親好多朋友，最近見係低位有整固現象，所以引起小弟注意。

　　預計華能在2010年應該保持到2009年既水平，但同時相信盈利要有大增長應該冇咩機會，始終中國2010年面對不少隱憂，（如國內工業還未回復，國內工資水平亦提高，以華能作公用既股來說太被動，被周圍既因素牽著走）。

　　但總括來說，華能貴為２００９年國企成份股表現最差五大國企成份股之一，擁有此美譽實在得來不易，現時華能股價相信是合理，什至小弟覺得係值博的，始終物極真係必反。　

　　今日開市，希望紅盤高收，祝大家虎年行大運，股市步步高升。

　　小弟持有中移動，中國銀行，中國鋁業，華能，ｓｏｈｏ中國及中鐵

　　以上係小弟意見，並沒有推介成份