慢活與快活

生活得快快活活, 是每個人追求的夢想, 但想快活卻急不來, 有所謂欲速則不達也ｏ

而慢活哲學卻不是針對快活而言的ｏ 所謂哲學就是一D, 大部份都難以理觧的學問ｏ通常一講到哲學, 好多唔夠班的學者就要收聲, 剩得天下無敵, 有型有料的黄SIR講, 大家只能有聽的份兒ｏ

人生雖然短短數十年, 其間讀書學習十幾廿年, 做事謀生又十幾廿年, 飬兒育女,戀愛結婚又過了數十寒暑, 回首前塵, 有冇日子怱怱而過之歎呢？

所以有心人特別提出慢慢去享受生活, 例如: 賺小D錢, 多D時間同小朋友玩吓遊戲,, 同朋友吹吓水, 講吓爛GAG, 因為日子一過, 再無機會做得番矣！

又例如: 同家人閒話家常, 同朋友同渡節日, 同情人愛侶共渡良宵, 日子一去也不會回頭, 能夠珍惜享受, 就是慢活哲學的精粹ｏ

至於想快活, 還不容易, 我家附近就有一間, 大快活添！係大家樂的姊妹店！要大家一齊快樂, 又要大家快快活活, 就下午一齊整番個茶餐, 吹吹水！講吓東家長！西家短！笑吓人甩曲甩拍！之乎者也, 如此這般, 日子就這般怱怱走過啦！仲唔夠晒快活？吓？