玩樂之趣味

近年黄sir主力玩樂項目, 是唱粵曲和跳社交舞ｏ

先談粵曲, 粵曲的趣味在於是易學但難精,  能發聲就唱倒了ｏ 尤其是女性, 可平可子, 成個鵝公喉咁, 一樣唱得ｏ 以往見過亞視林百欣家族有個亞太ｏ真係把声鵝公咁, 一樣慈善表演, 仲收好貴添！似乎肯聽果D真係做慈善也！

而難精更是粵曲引人入勝的地方, 唱就大把嘢學ｏ真係學一世都學唔玩ｏ就係咁, 冇人敢認專家, 個個都係識小小就扮晒代表ｏ一旦跟咗個稍有小小名氣溉師傅, 就可以係江湖響朶！吹到天上有地下冇啦！

有D唱得唔好溉, 可以努力追新曲ｏ人人未識, 佢就識, 一樣高人一等ｏ 背曲啦（勝在好記性！） 一唔係身材好, 出SHOW露乜露物, 天賦一流, 一樣大把嘢SHOWｏ 一唔係學任姐, 係台上寒住背, 行來行去,一樣有大班擁躉！大歎過癮也！

粵曲偉大之處, 就係咁嘞！

至於跳舞就比較難D, 身材樣貌, 缺一不可ｏ 但世間上認為自己才貌相全者, 大不乏人（寫緊嘢條友就是了）ｏ

至於學跳舞更加大把嘢要學, 又拉丁, 又BALL ROOM , 又冧巴, 又查查, 又牛仔, 又四步, 三步, 記到腦都漲晒ｏ

但一旦出到舞池, 跳倒, 已經高人一等啦ｏ 跳得好, 引來羨慕目光ｏ更是令人精神一振ｏ退一步, 有D身材露吓, 大把人睇啦！（你有冇留意D舞衣, 露咗大大話話八十個巴仙嫁！）

剩係眼睛吃冰淇淋都夠頂癮啦！嘻嘻！