保濟丸傳奇

2010/03/29 22:30:27 網誌分類: 生活

29 Mar

近日保濟丸鬧出了致癌物質, 成了新聞ｏ

想起保濟丸, 就想起我細時晉成街屋企的藥櫃, 保濟丸是常備的看門口藥物！通常有セ頭暈身興, 肚痛肚疴, 真係好駛得也！

超伯當年直情視之如神藥！

有廣告歌唱到街知巷聞！

……..舟車暈浪, 疴嘔肚痛, 保濟丸！保濟丸！有病唔駛怕！

直至有一日……..家中的唐狗亞豬！（好大隻, 成隻狼狗咁欵！）絞腸莎！在家中奄奄一息！

超伯發揮医人同医狗一樣的精神！將一小瓶保濟丸喂給亞豬吃！一宿無話！朝早起身！只見唐狗亞豬己魂歸天國！蒙主寵召矣！想不到保濟丸的殺傷力咁利害！

從此亦令黄sir對超伯的医術產生了極大的懷疑！

又一日…..家中的金魚又有病, 有幾條遊緊仰泳！超伯又唔知俾dセ藥（唔通又係保濟丸？）d魚又瓜清！…….

由此証明保濟丸不止對人可能有害！對動物就極有害矣！

此乃發生在黃家的真實個案也！

回應 (7)

我要發表

2010/03/31 01:40:09 回覆

haha,佢鐘意医人多d.

KC blog 主 2010/03/31 00:05:39 回覆

香港医管局近排搞咗個寵物急救班！似乎要超伯去參加吓至得矣！

2010/03/30 23:48:57 回覆

那年代人人都係咁丟啦,边有而家又葬又拜吖!~ ${#icons_cat1}$

萬大有商量 2010/03/30 06:08:35 回覆

我怎会不記得，考你地之馬。當時一條猪屍橫在家，冇人肯自告奮勇。

當時，我是家中經濟支柱。不可入獄。

kc是大學生，將來会減輕我肩上的壓力。最要保存。

tt.貌美如花，犯法会惹下禍根。

左想右想，老黑最適宜，被拉入獄，也是教導所，死唔晒嘅。不過他一路抬，一路黑面，口中喃喃咒駡，我詐聽不見，看不見，黑，有名你叫，民主嘛！

我叫他把紙箱抬上加侖台，冇人識呀猪及呀黑，放下便走，不回頭。小心駛得萬年船。事後打探，半点風声也冇洩露。

究竟呀黑抬呀猪，還是呀猪抬呀黑，放下紙箱，冇人知了。

2010/03/30 02:40:25 回覆

haha,死豬咁大件事,二哥都唔記得?我記得二哥望下,叫黑仔

丟,祥哥在旁睇住,幫手裝箱-紙皮箱, ${#icons_cat9}$

老豆放d消丸藥落魚缸,幫d魚消炎喎,魚身起白點.

我在旁边看,第二朝唔見過身起白點,因為反哂肚見唔到白點.

亞豬食保濟丸瓜得 ,唔使医,以後我都唔敢食,多謝老豆,唔使驚食假藥

KC blog 主 2010/03/30 01:47:47 回覆

似乎係由你下令黑仔送出街口垃圾站噃！

當年仲係放同胞勿近的日子！十分驚險之事也！

萬大有商量 2010/03/30 00:14:06 回覆

怎樣處理呀猪的屍首，更是黄家的大問題，怎辦?