福至心靈
2010/04/01 09:27:49
網誌分類:
寫作
當一個人生活了一段日子, 常常都會感覺得有運氣這一回事, 當你運到的時候, 真係順風順水, 正所謂: 時來風送滕王閣也o ( 知唔知呢個典故呀?所以要讀多D書囉!)
這典故就是說王勃先生的故事o 此君在朝廷不得志, 回鄉, 誰知一場風, 將佢隻船吹咗去滕王閣o 剛剛當時有一個文人盛會, 無人敢同主人的女婿爭寫滕王閣叙會的序文, 呢位老兄, 一個唔該, 就大筆一揮, 寫出了這篇千古傳誦的膝王閣序o
其中寫到, ……..落霞與孤騖齊飛, 秋水共長天一色 两句時o一直條氣唔順的主人(因搶咗佢女婿之風頭)立即寫個服字o奉佢為上賓!粵曲中有首落霞孤騖就係用咗做生同旦的名字!林家声的作品o
呢篇文係好值得大家一讀嘅, 古文觀止就有嘞!
講番福至心靈, 如果你有運, 你就自自然然會做出一D行為, 令你行正運o 我就試過行行吓街, 無啦啦行咗入投注站, 買咗一張自選嘅六合彩, 中咗五個字, 成皮嘢, 都幾福至心靈嫁!
記住要不經意噃!
回應
(0)
我要發表