遊戲心態
2010/04/02 02:20:24
網誌分類:
寫作
黄SIR發覺有些人, 對一些本來一D都不值得認真, 也不能認真的事, 過份地認真, 結果弄到身心皆疲, 不能自拔!
就以賽馬為例, 賽馬只能視作一個消閒的活動, 而十賭九騙, 乃理所當然之事!但居然有人以為, 可以用體育運動的想法, 計算步速, 跑法, 騎功, 去賭錢, 結果唔輸到焦頭爛額就奇矣!
每次跑完馬, 有線的賽馬節目評論員, 非常認真討論跑法及大駡賽果的不合理!似乎係屬於十分唔化同浪費時間也!
又例如黄SIR退休後玩唱粵曲, 看粵劇, 也是以遊戲的心態去進行o但偏偏有人以為在演藝事業, 有什么什么幻想, 其實可以說, 出SHOW, 只不過貪得意, 滿足吓虛榮心吧了o
不似有D人, 以為同賢仔唱, 就等同自己藝術成就係果個級數, 出一塲高山SHOW, 就可以一曲成名了, 走紅省港澳, 威震東南亞矣!
又見過有D人, 居然以為佢D藝術會俾人偷橋, 所以出過show的DVD就不能被街外人看o(其實如果你D藝術咁醒, 又怕乜人學呢?唔通你叻得過所有D老倌?真是不自量力!)
以前黃SIR更遇過D人, 唱完D歌也不肯俾人聽, 驚人偷佢D腔也! 真真吹漲!
本來是遊戲, 变了秘戲!你話同佢玩有乜癮?
玩的心態, 就不能太認真, 有D人認真到一句說笑的話也容不了, 唯有搞到冇得玩先至肯收科!
原來遊戲的心態, 都唔係人人有!
唉!趙是!
多謝捧場o唱曲セ人都有!很多趣事!
肯聽吓人點唱o都算知音了!嘻嘻!
遊戲事矣!
有啲咁事?我就未遇到過!可能我身邊的同學都是在研習階段中,跟前軰腔都未跟得足,未有超班馬。再講聽過閣下那幾首名曲,十分傳神,最喜歡那首(雪夜祭梅妃),生旦都好入戲,音樂又超靚!