營運人生(4)
美股上週五反覆向上,連續第六周上漲。杜指尾市一度突破萬一點大關至11001點,係自2008年9月以來嘅首次。杜指收市輕微回順至10997點,升了70點;標普500指數漲8點,至1194點;納指收報2454點,漲17點;三大指數齊漲逾0.6%。杜指期貨指數最新報10997點,與現貨平水。
港股美國預托證券造好,ADR港比指數收報22280點,比香港收高72點或0.3%。匯控收報82.41元,比香港收市高0.6%;中移動收報79.52元,比香港收市高0.3%。
LPL Financial機構首席市場策略師Jeffrey Kleintop表示:「杜指突破1萬1千點關口,是市場復甦的明顯證據。」
美國2月份的批發庫存由跌轉升,好過市場預期,以及希臘財政危機出現轉機,美元回順,大宗商品價格回升,都係推動美股向上的主要動力。
美國商務部上週五公佈的2月份批發庫存較上月增長0.6%。高於市場預期的0.4%,而批發銷售創下2008年10月以來新高,已連續11個月上漲。批發庫存和銷售的增長係一個令投資者鼓舞的訊號,這意味著美國企業正意識到市場需求正續步走強,因而重新回補此前被清空的庫存,這將有利於美國經濟的持續復甦。
昨日,歐盟及國際貨幣基金會(IMF) 終於敲定並公佈了救援希臘方案的細節,同意以低於市場利率借出450億歐元予希臘政府,藉此挽救希臘財務危機和歐元的頹勢。其中歐盟借出300億,剩餘的150億由IMF承擔。
歐元區國家的財政部長表示,希臘政府的借貸成本已創出11年新高,而歐盟提供的三年期貸款利率為5厘,遠低於現時希臘三年期債券的6.98厘。倫敦BlueGold Capital Management 的總裁Stephen Jen表示,這筆貸款額度之大,對短期內解決希臘困境而言,威力更勝火箭炮(bazooka)。對被沽售的希臘資產將產生提升的動力。此前歐盟已放出一致同意援助希臘政府的消息,希臘股市上週五攀升3.4%,其中希臘國民銀行和阿爾法銀行漲幅均超過8%。歐洲三大主要股市亦全線上升逾1%。法國漲1.8%,德國升1.3%,英國漲1%。美元亦回軟,美元指數最新報80.46,較月初回落超過1.2%。
週末和朋友聚會,聽到一個故事,和營運人生的課題有關,可以和大家分享一下。有個朋友的朋友是律師,人到中年,事業有成,身家不薄,本已享受快樂人生,佢有三個仔,全部送哂去外國讀書,在96年後逐一回港,而家啲父母好多係直升機父母,仔女一有事,或者疑似有事,阿爸阿媽就如雷霆救兵咁坐直升機空降,大叫有乜嘢可以幫手? 總之好似燈神一樣,幫仔女解決所有問題。
呢位律師先生也不例外,佢自己做唔少樓契生意,在96、97年睇住樓價急升,當時見個大仔回港做嘢,雖然都叫做行政人員見習生,但搵萬零銀一個月,唔知點樣買樓,就在97年幫佢俾咗三成首期,幫佢在港島買咗間300、400萬的中小型單位,讓個仔無痛上車。上車時有老豆俾錢,的確係無痛,但97年10月開始樓價開始暴跌,就有啲痛啦。個大仔開始覺得,老豆無端送咗舊負資產俾佢。
到99年香港樓價開始較大反彈,律師先生個二仔返咗香港,科網熱潮爆發,樓價起勢升,好了傷疤忘了痛,直升機爸爸又覺得二仔而家唔買樓呢一世都買唔到樓啦,所以又出資過100萬,幫二仔在港島區置業。由於那時樓價比97年低,同一筆錢,二仔買間樓大啲,大仔有啲唔高興。
2000年科網熱潮爆破,樓價開始跌,到2003年爆沙士,樓價更跌入谷底,大仔間樓唔見咗5成以上,二仔間樓都唔見咗3成,兩個乖仔開始當老豆係仇人,話老豆累佢孭一身債,如果唔係間樓,佢地花錢去玩樂旅行都不知幾輕鬆,而家花多啲錢都唔敢,而且如果早唔入市等03年才入市,可以買大一倍,仲係新樓。父子關係開始轉差,兩個仔都唔係幾想同老豆見面食飯。
到今天樓價大升,父子關係應該有改善啩? 好奇怪,關係差咗好似好難好番一樣,大家習慣咗少見面,始終都係少見面,而且兩個仔工作愈來愈忙,更多藉口唔見老豆。如今問題又來了,第三個仔剛好去年畢業回港,見報紙日日買港人買唔起樓,好似而家唔買一世都買唔到咁款,又想問老豆攞錢俾首期買樓,老豆十分苦惱,俾100、200萬佢唔係俾唔起,但而家樓價咁貴,買完會唔會重演大仔、二仔的慘劇呢? 如果唔俾,細仔又會覺得好唔公平,點解老豆幫大哥二哥買樓,又唔幫我買呢? 假如你是律師先生,又會點做呢?
香港人買樓好怪,樓市愈跌,樓價愈平,無人想買樓,怕買咗再跌,但到樓價升到飛起時,就覺得唔買唔得,今日唔買一世都無機會買,要逼政府幫自己買樓。政府逼唔到時,就逼老豆老母幫手。
聽到律師先生的故事,覺得幾心酸,想幫忙,結果還幫出怨恨。人生要自己去營運,如果老豆老母幫得愈多,孩子自己營運人生的能力會愈來愈少。假如97年律師先生無幫大仔買樓,佢可能買唔到,或者過幾年才買好彩買平三幾成都講唔定。又或者佢唔知點解當時都借到錢去買,一樣買咗貴樓,但由於呢個係佢自己作的決定,無得怨人,只能咬實牙關去頂,而且一次摸頂買咗貴嘢,佢買咗教訓,以後人都會學精啲,唔係好似而家咁,經常掛在口邊:「最衰我老豆97年叫我買樓……」
當然,律師先生有啲黑,幾個仔都係在樓市高峰期回港,但我覺得佢除咗黑之外,亦都過份愛仔情切,愛佢變成害佢。讓愛麻木了理智,唔識在樓市貴時忍吓手。
陸羽仁
陸羽仁覆網友
Bluepanda:建行話供股,市場反應唔太差,你想買加注,我估等到大陸加息前後,銀行會鋤一鋤,就係入貨好機會。
橫刀直角牛虫、Myself:香港講機會,新加坡講安居,香港人好多揸間樓有幾百萬身家,新加坡人住得好開心,但間樓無太大二手價值,香港稅低強積金低,新加坡稅高強積金供款多福利好,香港人抱怨無樓住,新加坡人抱怨無發達,你睇我好,我睇你好啦。想平平穩穩,可能過新加坡好,但唔好投訴各行各業俾政府玩哂,唔打政府工無好工打喎。
扮豬:以投資者而言(唔係講短炒),風險和回報係相反,風險最低回報亦低係公用股,風險中度回報亦中度係指數股,包保唔會跑輸大市(亦唔會跑贏),然係個股,係中至高風險,睇你買乜股,其中一個方向係買啲比較有規模的新國企或民企股,咁就有機會跟到一段高成長(當然注資股或內地大公司借殼股都屬此類新嘢)。
Stockinvest:愈有錢愈應該保守,博命係無錢人的專利。你有580萬,話做工無乜味,想做專業或半專業投資者,問題係你做專業投資你點trade先,最好試得先至落水,因為份工係你穩定收入的來源,專業投資係唔係穩定地搵到你而家的人工,都係一個問題。你可能話而家要返工無時間試,我覺得不一定,每日晚上抽兩小時來扮專業投資者,研究吓做乜,試吓先,試到得先至好走,你業餘賺到錢,唔等如全職賺到多啲架。
陸sir: 建行年底供股, 想加注, 點樣買好呢? 還是等佢落實/公佈先算?
Good morning,
Just for fun:
两个经济学的学生走在路上,看到路边有一坨屎,A对B说:你把这坨屎吃了,我就给你5000万。为了钱B就毫不犹豫的吃了这坨屎,A爽快给了B一张5000万的支票。
他们继续走着,但是心里却都有了一个疙瘩。A心想,他吃一坨屎,我就给了他5000万,真不值。B心里想,我吃了一坨屎,才拿到5000万,真不值。
突然,在路边又出现一坨屎。于是B报复A说道:你把这坨屎吃了,我就还你5000万。见到弥补损失的机会,于是A也毫不犹豫的吃了屎。
但是两个人回过头来想想,就觉得不对:什么都没得到,却一人吃了一坨屎。于是把这件事告诉了他们的经济学导师。
导师激动的喊道:天哪!知道吗?你们刚才做了什么!
两个学生一脸后悔地说:我们一人吃了一坨屎。
导师立即打断他们的话:不!一眨眼功夫,你们就创造了一个亿的GDP,奇迹啊!这个经验推广全国,实现小康还会远吗!
不久,权威机构宣称我国已基本实现小康。这位经济学教授也顺利进入国家院士之列。
袋鼠:哈哈哈......笑死我喇!
//不過貓貓甩妳拖,跟妳遊西岸但跟妳唔上,好似仲要在那間五月花酒樓踎咗幾日(見佢成日問人借五舊美金,可能要洗埋碗),佢前幾日已經返咗嚟吹水先。//
橫直角刀牛虫,
小弟有屋企人住星加坡,所以都知少少個邊情況,星加坡供既退休金可以用來買樓,香港就要唔可以,不過星加坡可以用來起樓既平地比香港多好多,唔使移山平海,所以香港起樓成本貴好多,成本貴亦因為地價貴,地價貴即政府賣地收入多,香港政府賣地收入多即我地交少d稅,如果香港人唔介意好似星加坡咁,俾二十幾%稅,咁香港樓都應該可以平d卦。
陸sir早安, 大家早安
扮豬兄:萬佛朝宗係第九式haha
大師:要引領我地走出牛皮市
仁豬:
達摩會引領 大家出紅海 呢噢!
出家人有問必答噢
如來神掌第十式
笨仁:
唔通學識 如來神掌 都要話你知咩噢!
係 萬佛朝宗 噢!
開 少林大會 做少林的我 呢噢!
Kathleen,Welcome Back!放足成個禮拜假…
不過貓貓甩妳拖,跟妳遊西岸但跟妳唔上,好似仲要在那間五月花酒樓踎咗幾日(見佢成日問人借五舊美金,可能要洗埋碗),佢前幾日已經返咗嚟吹水先。
祖師果真係大戶噢,一注已經係大手買入,一注賣出已推低大市…
唔似係一葦渡江咁簡單,係乜招式噢?
陸sir,
多謝你既回答,想再問一下, 選股方面有咩建議? 買2828 一類追蹤指數ETF 定係買返個股? 如果個股方面, 選擇又係點呢?
謝謝回答!
大師早噢
尋日尾市係咪你沽左一注中移, 搞到佢插左1%
S2000,
唔駛多謝. 咁岩今日我早起身o者. 放假就要好好享受啦!
二打六:
多謝你今日post high tea..岩岩至起身..放假噢...
金融High-Tea 愈否認愈像真
昨日港股受一片內地打壓樓市的烏雲掩蓋,所以恒指跌70點,收22138點, 都算跌得少啦。不過臨近尾市中移動(941) 回軟,恒指跳水120點,由升 轉跌,收報22138點,跌70點。
事緣上周末中國銀監會主席劉明康在海南出席會議,話銀行要嚴格控制房地產信貸風險, 尤其要嚴格控制「為租而買,為賣而買」的房貸,更謂部份北京商業銀行審慎評估買第二套以上房貸風險,主動將二套以上的首期比例提高到六成(原本為四成), 劉明康稱這個水平才「較安心」。
劉明康的講話一出,嚇到市場震一震,香港的內房股更遭拋售,後來銀監會澄清,話劉明康只 是引述銀行的自主行為,並非將監管底線提高,硬性要求將二套房的首期提高到六成。傳媒打到內地的銀行,多數都話二套房的首付比例不低於40%,未收到通知改變,但亦有廣東的銀行分行開始將二套房的首期提高到六成,話政府要打壓房價咁話。
六成首期似層層
中環茶友話,內地的政策,愈否認愈像真,或者依家的確未有一個二套房首期六成的政策,但睇劉明康的口氣,非常鼓勵銀行嚴厲對待投資者或炒樓客的信貸,如果樓價再升,呢樣野唔使一日都可以變成統一的政策啦!
講開又講,有D內地發展商又真係爭取落實,明知阿爺好怕樓價升得太顛,好心佢地自己就檢點吓,有間中弘地產在北京朝陽北有個樓盤,本來出左價單收左客仔2萬元意向金,到昨日開售,突然加價3000元一平方米(即係大概加300元一方呎),加幅15%,本來樓價20000元,咁樣突然加價,搞到D客戶大鼓噪,早上一度包圍發展商架車,後來慢慢先至平息。
我話內地呢D發展商唔知邊個係「渣弗人」,玩到咁大,當阿爺無到,遲到逼到阿爺出重招打壓樓市。
昨日幾隻內房股公佈業績,包括恒大(3333) 、龍湖(960) 同恒盛(845) ,佢地就真係唔好彩啦,雖然業績都OK,但係遇上劉明康咁講,點都要跌吓交吓功課啦。恒大公佈09年全年純利10.46億元人民幣,較08年同期5.25億元增長99.4%,每股盈利 7.4分,建議派發末期息每股0.7分;恒大這個盈利雖然唔多,但略好過去年上市時的預期,內地地產商的盈利要交樓才入帳,所以佢昨日發力買樓,盈利要今年才可入帳。
電訊設備股炒得勁
龍湖的品牌相當唔錯,佢買樓雖然唔夠恒大多,但樓盤亦甚有口碑,佢去年純利22.1億元,較08年同期增長5.65倍,每股盈利53.5仙,擬派末期息每股6.3分。照睇今年才是內房股盈利的高峰期,因為去年買樓多,但成本平,所以今年入帳利潤好正。大市唔就,昨日龍湖股價跌2.7%,恒大跌3.4%。
昨日個股有炒作,中央日 前表示3G建設總投資預計高達4000億元,重磅股中移動昨日早上曾一度突破80元高位,支撐住大市。臨近收市的15分鐘卻插水倒跌近1%,收78.6 元。中聯通(762) 下挫1.6%,雖然電訊股唔 掂,但相關設備股就有資金炒作。中國無線(2369) 飆升逾13%、TCL通訊 (2618) 升7%、晨訊科技(2000) 升9%,齊創新高。另外,批咗股的卓悅(653) 再創新高,快意節能 (8032) 擬引李寧入股,股價曾升2倍, 收市升1.3倍;北青傳媒(1000) 去年多賺2.7倍,股價升 9%;A8音樂(800) 公佈與諾基亞合作後,股價今創 新高後升幅收窄,升6%。
陸羽仁
伯仁:
//大師, 你....你是不是 按錯掣呀!//
此話何解呢噢?
大師, 你....你是不是 按錯掣呀!
大師原來係大戶,係咁意沽一注就拖低左大巿,真係唔講得笑噢!
昨日尾巿 沽左一注 呢噢!
所以拖低左大巿 噢!
唔好意思 啊噢!
kathleen:
無噢!
大師:早噢,有無入貨呀噢?
少林大會 快將召開 噢~!
美股重上萬一 了噢!
好似發左場夢 呢噢!
kathleen :
早噢!
袋鼠:早晨噢! 唔該噢!
//而家工作唔係好順利...//
咁就行開吓,返嚟再做過啦。
好耐冇出過 post, 差d 連 login name 都唔記得咗.
人生交叉點, 其實好簡單, 直升機爸爸應該將呢個故仔同三仔講一定, 亦都可比三仔知道大仔同二仔點解唔彩爸爸, 做爸爸既亦可吐咗一口烏氣.
講完故仔後, 爸爸可放底一張一百萬或二百萬首期既支票, 等個仔自行決定, 講真, 去完外國都再d分析力卦, 如果個仔羅咗張支票去買樓, 最後真係又大跌, 甘呢次都係個仔既決定, 正所謂路係自己選既.
不過我希望個仔買樓, 個爸爸咁黑仔, 買親都做明燈, 佢買完, 等樓大趺時就係我買樓之時喇
政府屋惠八成國民 面積大港一倍 呎價1/3
國民有樓「意味國家他們有份」
新加坡建屋發展局副局長葉振銘接受本報專訪時便強調﹕「我們鼓勵國民擁有自己的房子,意味他們在這個國家有份(hold a stake in the country),他們會希望社會好、開放及平穩。」
本報記者採訪與香港同樣地少人多的新加坡。約40年前,香港和新加坡同時起步,大規模建屋以解決城市居民住房問題;時至今日,本港的住屋平均面積比起星洲少一半,樓價卻起碼高出兩三倍,更要住得遠離市區(見表)。
新加坡八成居民都住在政府建設的組屋(組合房屋),其形式雖類似香港的居屋,但這些組屋無論在面積、地點及品質上,絕不遜私樓。論面積,新加坡平均每戶人數為3.5,大部分住在實用面積達968平方呎的單位內,其他單位的實用面積介乎699至1184平方呎。
組屋似港居屋 平均千呎
相反,根據香港房屋署08年數據,本港八成公屋單位實用面積少於430呎,一半私樓住戶居於少於500呎的單位;然而,400至500呎的單位,在新加坡多是提供予獨居長者居住。
論樓價,據新加坡建屋發展局提供資料顯示,新加坡目前一手組屋,以實用面積968呎單位計,平均售價約147萬港元,每平方呎樓價1518港元;二手組屋售價反而略高,同樣面積的單位平均售價約189萬港元,每呎樓價1954港元。由於購買二手組屋也可得到政府資助,新一代面對結婚置業需求,要自置居所,可說輕而易舉。
反觀香港,據最新成交資料顯示,大圍居屋平均二手呎價(建築面積)介乎4300至4780港元,私樓更貴,沙田駿景園平均呎價(建築面積)為6617元。換言之,香港二手居屋及私樓樓價,隨時貴過星洲的一手組屋幾乎兩三倍,若計及星洲呎價以實用面積計算,香港卻以建築面積計,則香港的樓價就顯得更高。
家庭入息限4.4萬 可住市區
香港特首曾蔭權去年尾曾呼籲未能上車的市民「要買樓,不妨搬遠些」,但在新加坡,位處金融中心及市中心區一帶的組屋比比皆是,一個新加坡人家庭月入只要低於8000坡元(約4.45萬港元),要住在如香港中環及油尖旺一帶的市區新樓,可說不成問題。
據新加坡建屋發展局08年一項調查顯示,逾九成星洲住戶滿意住屋情况,當中,大專學歷居民增至三分之一、白領居民增至34.5%、平均家庭月入達5680坡元(約3.16萬港元)。反觀城大最新的一項「消費者滿意指數」調查,住屋是香港市民滿意度最低的一環。
明報記者呂雪玲 越洋專訪
(A0101)
輝哥,經濟差時娛樂消費慳得就慳,即係好似停電時,兩公婆無乜其他嘢好做?
而家工作唔係好順利…
鼠兄近來可好?
會唔會唔係經濟環境好而生仔, 係掉返轉經濟唔好須要安慰而生, 哈哈
stockinvest
為何不讀大學?好的大學教育teach you to think, not teach you to work,可能有助你的心態重新定位。當然,如果是賺錢的大學課程就幫不到你去think,只教你去work。
stockinvest,
580萬資本, 8 to 10% annual return already better than many people income. But I think you wish to achieve more on your career, right?
580萬的而且確如牛腩所講一樣應該返回投資陣營,不過而個係普通人的生活環境而言!
如果stockinvest係高生活水平的, 580萬用在投資又未必即刻可以維持到而家的生活, 可能要部份投資部份投機......(純粹個人意見)
陸sir: 明白曬, 等港版出左先考慮買ipad !
名仔,唔知你阿爸有乜特別情況,但唔肯破產唔一定只係面子問題。
大笨袋鼠, 噢錯了!
是
返回投資的陣營吧!
輝兄NSX,好狗無見
你個經濟生仔理論,都幾有趣、有意思
stockinvest
能否分享一下你賺到580萬既歷程?相信好多師兄師姐都得可以學到野
我覺得所謂成功要睇你點定義, 你話你工作冇得上, 不過你有580萬喎, 話唔埋你老細人工多你兩三倍但係冇錢儲?
陸sir話過打工上位係搵錢方法之一, 打工都係搵錢者, 有舊資產加份普通既工好過打份好辛苦或者唔鐘意既工喎
//有 錢的人, 不可需要投機!
返回投機的陣營 吧!//
貓貓,唔投機又投機,有啲語無倫次
stockinvest, 580萬, 依照老科的理論
你是有錢人
有錢的人, 不可需要投機!
返回投資的陣營吧!
陸Sir, 各位,
我的父母也是直昇機型的。多少影響我的性格, 做人的態度。( 現在要改很難。 )
首年工作時, 母親希望每月多給一些$給我用。我拒絕了, 因為我認為我要獨位, 及日後取得比父母更好的成就。
但是, 勤奮工作14年, 仍然很多事情做不好。努力工作不難, 但要Work Smart 及取得成就, 我辦不到。
父母明白我工作辛苦, 有時安慰說: 不要做了, 回家休息吧。我認識一些國內朋友, 部份因很博, 比我更有前途。
這種博(收回扣, 飲酒, 夜總會, 擦鞋, 搬弄是非..等), 我是做不出來的。現在工作,(無薪)加班只是為完成責任, 但我的打工職業相信再上, 是不太可能。
幸好現在有580萬資本( 只能說股市升真好, 及我不太用錢 ), 如此份工保不住或做不下去, 真有點想轉為半專業投機者, 及做份輕鬆兼職算了。
陸Sir, 能否有辦法/建議調整一下我的心態。我不想讀完大學, 在工作上, 到現在說投降。
各位晚噢!
myself: 沒有, 從來都沒有
草兄: 到3萬2時, 會不會又望4萬2架
- 買樓無得睇樓先 (全世界獨有)
- 老婆警告老公再唔買樓就反面
- 阿媽見阿仔無樓訓唔著
- 地產舖前, 天天換價牌.
97 年一幕一幕又再現 !!! 原來歷史真的不斷重覆.
期待痕指三萬二. 今次我會做好準備.
陸 sir, 律師先生呢個 case 好有趣, 我好想知道佢生仔果三年係邊三年,
會唔會係因為經濟環境好而生仔, 三次既心態係唔係一樣, 到佢地讀完書回流香港又有需要買樓, 完全係三個一樣既循環
咁就唔係黑仔, 背後都係市場推動
朋友結婚我做過好多次兄弟, 舊年有六七個朋友不約而同咁生仔 (唔同年份結婚), 真係勁有趣.....話唔定廿幾年後佢地 d 仔女又一齊買樓....
小弟去投資自己先(上堂), 各位再見
將軍: 租售比 係咪指一年既租金/樓價?
厠男 : 98 年家父青衣層樓就是 ---資產... 家父要面, 不肯破產, 以後做十年工才夠$還給銀行..不只怕怕, 是死了好過...