營運人生（６）
美股連續第四日小幅上揚，但走勢越見牛皮。杜指受上日美鋁公布唔理想業績影響，開市先跌，後來回穩，尾市仍能企於11000點上方，微升0.1%至11019點；標普500指數就原地踏步，微升不足1點至1198點。英特爾(Intel)將發盈喜，推動科技股走高。納指相對表現最好，不過都係漲了0.3%，收2466點。杜指期貨指數最新報10983點，與現貨低水36點。
港股美國預托證券亦無乜大變動，ADR港比指數收報22107點，比香港收高4點。匯控報82.85元，比香港收市高0.2%，中移動就差啲，收報79.14元，比香港收市低0.4%。
喺歐盟及IMF同意在必要時向希臘提供450億歐元的援助之後，希臘繼續出售國債的計畫，是否成功，成為全球投資者的焦點。昨日，希臘拍賣的 7.8億歐元六個月期國債和7.8億歐元一年期國債，分別獲得逾7.7倍及6.5倍超額認購，遠好過三個月前的4.9倍及3倍。市場對此反應強烈。希臘兩年期債券孳息率昨日下降了45點子至6.03厘。
東方匯理固定收益策略主管基柏爾表示，希臘發債過程順利，反映歐盟的援助計畫已經挽回了投資者的信心，希臘也因此獲得了喘息的空間。有分析人士表示，歐盟與IMF援助機制的出爐，意味著未來12個月內希臘違約的風險已轉為零，也為希臘的國家主權安全與歐元區的金融穩定提供了保障。
不過，太平洋投資管理公司(PIMCO) 的CEO埃裡安卻表示，該公司不會參與近期的希臘國債拍賣。他認為，援助方案的條款無法讓希臘應對長期的財政和償債問題。有分析人士指，PIMCO的決定也可能影響希臘政府隨後在美國的國債發行計畫。評級機構穆迪也表示，歐盟旨在幫助希臘解決其債務危機的救助協議，並沒有削減希臘評級再遭降級的可能性。
大炒家索羅斯對「希臘援助計劃」亦唔係咁樂觀，佢昨日喺倫敦時話，援助計劃的貸款成本太高，希臘仍然面對一個「死亡螺旋」（death spiral）。「雖然歐盟給出的條款好過市場，但成本仍然好高。這將直接影響到希臘的償還能力。歐盟以官方優惠利率貸款予希臘，希望幫助希臘達成預期目標。但一旦唔成功的話，希臘經濟將進一步收縮，到時稅收減少，經濟就越會差，將形成一個死亡螺旋。這個危險性是仍然存在的。」佢又話歐元區領袖同意援助希臘的原因主要考慮係希臘一旦離開歐元體系，將導致歐元分裂。而歐元分裂最終會令歐盟解體。
在希臘國債獲得超額認購的鼓舞下，歐元兌美元匯率在昨日的歐洲匯市盤中一度上升至1.3621，但隨後迅速回落，反映出市場對希臘債務危機揮之不去的擔憂。有分析人士表示，儘管國債拍賣進展順利，但歐元兌美元匯率並沒有立即出現大幅反彈，顯示投資者對希臘債務前景的長期憂慮。
再講營運人生的話題，網友Stockinvest留言，話做工無乜味，想做專業或半專業投資者，多年來生活節儉，消費不多，多年來累積了580萬積蓄，故萌生去意，有啲十五十六。
有網友可能覺得Stockinvest哂命，有580萬，一年5%回報(買隻房地產基金就一定高過呢個回報)，每年收入28萬，每月24000元，Stockinvest話自己每月只使5000元，唔做都不知幾happy啦。
我又覺得Stockinvest係面對一個真實的煩惱，我估佢30幾歲，人到中年，過往過開的生活開始覺得千篇一律，好多人包二奶都係呢個年紀開始，當然轉工開展人生另一頁，都係尋求刺激人生的做法，唔好覺得佢自尋煩惱，佢係搵緊一份新職業，唔係想咁快退休唔做嘢嘆世界，佢只係諗緊做全職投資者係唔係一條出路。
我首先想恭喜Stockinvest，有500幾萬資產，合理的回報已遠超自己生活所需，這就是財務自由的第一步，即係唔使再為生活擔心，怕一朝唔掂，跌落地獄。Stockinvest累積這580萬主要靠儲蓄，唔係靠投資，正如佢自己所講，佢係月搵30000元，只花5000元的人，只靠儲蓄已儲埋好多，呢個故事告訴大家，儲蓄係財務自由的第一步。
我覺得以Stockinvest的生活所需，佢攞住580萬而家退休都得，最大問題反而唔係未來投資係唔係有高回報，而係點可以盡量唔輸錢，因為若輸起上來，580萬唔見一半得番290萬，個故仔又唔同哂，所以開始有啲錢就唔使咁博，因為博起上來，資產可升可跌也。
做全職投資，不一定會比兼職好，好多人全職投資炒得好多出入好多，到期來回報更低，小心。做全職投資有一萬條路可以行，我睇到兩條路，都係跟人行的路，第一條路係跟人炒，細心研究股份炒作的軌跡，跟佢走兩三個站，走呢條路，要好聰明，睇穿各種假局，又要同好有自制，跟住個假局行一段忍得住落車，唔係咁多人做得到，但我都見極少量成功人士。
第二條路係跟人營運公司，香港過千間上市公司，好多只係齋炒，但亦有不是正正經經做生意，你要搵出正經做生意的公司，從中揀出行業前景唔錯的公司，再從中揀出懂得營運的管理層，再代入佢的思路，睇吓佢點營運、做大間公司，你就會搵到出入市位，買股要較穩陣地倍升都唔係咁難(關鍵在「較穩陣」呢三個字，因為好多仙股一係唔郁，一郁好多倍，但係唔穩陣，買佢可能輸清)。想搵到呢啲公司，要花時間做功課，睇行業新聞，睇公司新聞，睇公司通告，年報，自己劃得出公司的業績全圖，甚至開始估吓佢明年賺幾多，少說要投入的時間都是以月計，最重要是代入公司管理層的角度，睇吓佢想做乜，點樣做，做唔做得成功。股市是集資之地，中國是高度發展的市場，有不少公司有營商之道，上市集資後在內地愈來愈大，問題係你搵唔搵到呢啲公司。
但做呢種功課，唔一定要全職做，你可以兼職做吓先，然後做實驗，睇吓得唔多，若果得仲要知係大市得定係自己得，真係得才轉全職，因為辭工有機會成本，你一日花多8小時，可能可以搵多三兩隻股票，但佢地起碼要幫你一年賺多36萬(等於你份人工)，才值得全職去做。
關鍵唔係全職，而係你是否掌握那一種技巧，技巧得，投入愈多時間，回報愈高，技巧唔得，炒得多，輸得多。或者網友有更好的全職炒作技巧，可以提供。
陸羽仁
陸羽仁覆網友
投資者:龍源出完業績跌，理由只有一個，業績唔係想像中咁爆。
股惑仔:阿爺會搞內地樓市，睇到香港政府無乜大力搞，也會開聲。泡沫發展時，政府搞嘢一般會約朿其升幅(好少似老董97年咁一出就出第九招萬佛朝中一掌打死個樓市)，而非一下刺破泡沫，成功的干預是令樓市呆，不是跌，不成功的干預是樓市續升。泡沫最終的終點是爆，通常在下一個經濟週期時發生，成功的干預令泡沫無咁大，最後只是小爆，減低殺傷力。
CCB:新奧燃氣圖型向上，但主要受公布業績影響，我反而認為要看它們回調時守唔守到上升軌，才知他是否真強。
Hero:你的組合幾平衡，想加玖龍紙業，華創或阿里巴巴，我唔知你組合幾長線，若較長線，呢幾隻都可考慮，喜冒險的可選阿里巴巴或內房股，高風險高回報，喜平穩可能係華創。
扮豬、flyinthesky、Bluepanda:我係去重慶睇樓，留意到龍湖和瑞房，要詳細比較四隻要另外搵機會，可以先講幾句。瑞房會超慢，但三、四年後，包括重慶新天地在內的各地新天地落成，那些商業地產的資產價值好高，但短期唔似有表現。龍湖各方面都幾好，股價平啲仲好。恒大是豪賭股，售樓挑戰最大的開發商萬科，俾佢成功佢唔係第一都第二，但若內地樓市泡沫爆破，咁就…。華潤置地是幾隻中最巨型的，物業搞得好好，手上不少靚地成本好平，亦勝在未有中海咁大，股價會走得比中海快少少。
投資小朋友:重汽8元似築到底，可以現價入，唔係穿8元加注，而係穿8元例如7.6元、7.5元止蝕，因為論走勢咁係破位向下，可能要走到7元，又要睇吓佢跌唔跌得定先再買。
復星現價6.37元，比招股價9.23元還有一大段距離，現價市盈率7.7倍，照計有一定上升空間，但由於似控股公司，無乜概念，無人炒佢，今年要升番上招股價有啲難度，坐吓先啦。
HI LUK sir
do u think about 2318 業績如何??
陸sir,早晨
請問點解隻916龍源出0在業績後,係咁跌!佢是否一隻值得長期持有ga股票呢?thanks!
陸sir, "人比人, 比死人...比較太多會令自己變死人，若不享受自己的所有，會走入死胡同" 這說話真係至理名言, 小弟會銘記於心!
像我這種年過三十, 一事無成的打工仔, 學懂投資是生存的另一種方法, "風物長宜放眼量", 如投資心態正確, 二十年後的今天, 結局也可能和現在想像的不一樣!!
陸sir你給了我們 "命運能自已掌握, 不是老板所操控" 的重要啟示!
"營運人生"系列, 連不大看報的內子也每天追看, 並在同事食飯時之間廣泛討論, 可見陸sir之魅力!!!
陸 Sir,
你好. 有野想問.
大陸樓似乎呀爺點都要搞一搞, 香港小數人有d對於樓市有不滿,呀爺點都會比香港政府一d壓力.
你點睇香港黎緊半年樓市 ?通脹因素, RMB, 未來息口改變等等因素對樓市又會點呢?
咁搞會唔會搞野死為止 ?
thanks
陸老師︰
謝謝回覆。
我想請問下，新奧燃氣(2688)從近日的圖表形態來看是否很「靚」？大成交配合上升，小成交配合下跌，從技術上好似仲想升禁？老師覺得現時追入會否很危險？
望指教。
陸sir:
我而家本身有 10% 3968，10% 1138，20% 1044, 20%1898 , 20%2357。仍有 2 成資金...在未來的日子，你覺得我應該加返落 3968 同1138 還是再從中加一隻好呢 ? 2689...1688...291 ?
或者你覺我 暫時我個組合有冇d 可以改善的地方...現時 3968同1138 都係賺得比較少...
thx
panda: 唔一定噢~ 早前睇過一o的數據, 重慶發展得好快, 某些數據仲係全國排名第一噢(詳細忘了)
小妹: 銀行一般都比較平, 因唔洗養活一班agents, 開支比較少o的. 人壽我會買定期壽險, 唔會買有任何投資及儲蓄成份, 因為保額大, 但保費好平, 我寧願將o的錢自己去做投資好過. 危疾最好保的範圍夠廣, 無條件續保, 保的年齡越大越好~ 但一般都只會去到第三期先賠錢, 所以最好買番份住院. 我早前睇過痕生, 年輕貎美唔食煙的女生, 兩3舊都有交易, 幾低玩~ 當然買幾大視乎需要及能力啦~ 痕生係保險市場佔有率幾大下, 都ok架, 可以報下價.
可能陸sir的家鄉係重慶.......
陸SIR, 講漏咗, 656返家鄉嘅意思係返翻招股價
陸SIR,
之前都問過關於3808, 你講話候低吸納, 而家我見佢幾條線都墜埋一齊, 咁係咪築緊底? 如果跌穿8蚊入 (我只想入一細注), 你估再跌多5毛至1蚊嘅機會有幾大? 仲有你點睇656? 你估今年或出年有冇機會返倒家鄉? 謝!
仁豬 噢!
大師噢
多謝。Dodome.
伯仁 呢噢!
大師噢!
陸蛇噢!
昨天港股靜靜地，恒指微升17點，報22121點，期指收報22126點，跌35點，比現貨高水5點。大市成交縮減至只有580億元。睇番亞洲各地好多投資市場都熱到爆錶，各地政府都開始搞降溫措施。
新加坡升值壓通脹
其中一個係新加坡，今年首季本地生產總值（GDP）升13%，比市場預計的11%更高，新加坡政府要把全年經濟增長和通脹數字調高，新加坡樓市亦升到飛起，連好似香港居屋的政府資助房屋祖屋亦大炒特炒，靚區的祖屋樓價8年升咗3倍，新加坡政府開始要為過熱的經濟和投資市場降溫，昨宣佈要容許坡元升值，以減低通脹壓力，消息一出，坡紙即升1%，外界原估計政府要到10月才會讓坡元升值，估唔到4月就要出招。
內地再出招打房市似乎都係遲早的事，最新數字是3月內地樓價再升11.7%，比2月的升幅10.7%更高，內地樓市好似每個月都要升10%，樓市開始有瘋狂味道，政府唔出招就會被無樓的市民鬧到飛起。熟悉內地情況的中環茶友話，香港政府唔喜歡干預市場，但內地政府經常出手干預，佢哋亦唔抵得俾人民鬧，所以樓價太顛最後一定惹來連環干預，最可能的是先限制二套房的按揭，大幅提高本金成數
在美國大印銀紙的前提下，資金氾濫，全球各地都谷出泡沫，特別係經濟本來都唔差的地方，泡沫愈多，樓市瘋狂，經濟過熱，當地政府就一定要被迫出招淋冷水。不過據過往的經驗，在資金市中，政府淋冷水的力度初期會比較柔和，短線可能係淋完再升。
、中國無線（2369） 
、東航（670） 
、中森（930） 
等10隻股票。
內地民族證券研究所就認為，人民幣升值將可吸引資金持續流入香港及內地市場，第2季港股市場流動性將充足，有利股市向上，估計大市在20000點至21000點有強大支撐，隨着股市的調整，資產泡沫風險已逐漸減退，因此港股在第2季應該有機會向上突破。
另外，內地股指期貨將於本周五登陸，可能造成上證綜指短期波動，牽動港股走勢。民族證券話，按以往其他地方推出指數期貨的經驗，股指期貨推出前，一部份資金會提前買入指數成份股或指數型基金，準備在股指期貨推出後進行期指套利交易，從而推升了短期指數走勢，股票市場交易量會放大；但在股指期貨推出後，部份資金會從股票市場流入期貨市場，導致股市現貨市場出現短期下跌，成交收縮。
小心內地出期指後回軟
以往，大多數國家都出現過股指期貨推出前指數上漲、股指期貨推出後指數下跌的情況；交易量則在前1個月和當月達到高峰，其後回跌。因此，民族證券建議投資者注意這種倒V形走勢對港股的影響，他們建議投資者關注兩類股票：第一類是低估值股票，最為典型的是中資銀行股。根據推算，內銀股的2010年平均預期市盈率僅為10倍出頭；年內如果央行加息，將會有利於內銀股的淨息差回升；在信貸收緊的背景下，銀行的貸款議價能力也顯著回升，亦對銀行股2010年的盈利有保障。
第二類係政策股。今年是中國經濟的「調整結構」之年，政策對個別行業將「有保有壓」。未來政策會愈來愈多地向低碳、新經濟、大消費等行業傾斜。比如近期熱議的「三網聯合」、「手機消費」、「手機電視」等；新一輪基礎建設將啟動，將為建築建材行業帶來需求刺激；圍繞A股市場融資融券的優質藍籌股；與5月份上海世博有關的概念股。最後，該行重點推薦了雨潤（1068）
陸羽仁
中人壽於26/3補回9/3上升裂口回升,至7/4最高見38.65調整,目前高位徘徊,圖形仍然利好,再上阻力為39.6,上升目標約為41.5.
OH!
.........................
..................... 
袋鼠：早晨噢！有無諗住加注內銀股呀？
(金融High Tea)
內地民族證券研究所……
建議投資者關注兩類股票：第一類是低估值股票，最為典型的是中資銀行股。根據推算，內銀股的2010年平均預期市盈率僅為10倍出頭；年內如果央行加息，將會有利於內銀股的淨息差回升；在信貸收緊的背景下，銀行的貸款議價能力也顯著回升，亦對銀行股2010年的盈利有保障。
165 中國光大 14/04/2010 收21.8 升0.35
從週線圖看,中國光大於2/8/09最高見25.75調整,至13/12最低見16.36回升,現受阻於近期兩高位所連上升阻力線,本週最低見20.7回升,相信將突破,上升目標約為30.0.
噢!
大戶貨多 散戶貨少 噢!
好似幾升得 呢噢!
981 中芯國際14/04/2010 收0.96 跌0.03
從週線圖看,中芯國際於8/11以巨大成交量突破近期高位所連上升阻 力線後輾轉上升,每次調整均為入市機會,今次調整亦不例外,上升目標約為1.32.
呢噢!
美股咁升法 噢!
咪好快創新高 呢噢!
噢!
fly,
我冇偷懶架...報左3間喇...不過有d plan有出入...唔知點compare
一子錯,滿盤皆落索
小妹: 介紹一本書俾你睇睇
http://www.anobii.com/books/100%E8%90%AC%E7%94%B1%E9%96%92%E9%8C%A2500%E9%96%8B%E5%A7%8B/9789881773289/012fc4b576a028e9e7/
由90頁開始係介紹保險, 可以睇下參考下先
越秀地產於27/1最低見1.79回升,近日兩度受阻於2.22阻力調整,今天最低見2.06,剛觸及上升軌支持線,明天可能反彈,如能升越2.22阻力可以升好,如2.06失守,將再試1.79支持.
我都覺得d agent好煩
銀行應該幾貴喎
有冇人試過同broker買??
今日先見完個agent...
果d 所謂既投資計劃搵笨
月供股票好過
社保基金係咪想沽返少少貨拎d錢黎供股呢
2318 中國平安 14/04/2010 收69.65 升0.05
中國平安於29/3升越多月來高位所連上升阻力線,前天最高見70.35,呈穿頭破腳轉勢訊號,昨天反彈,成交量增加,今天調整成交量減少,圖形仍然利好,再上阻力為72.0和74.5.
草哥，大笨唔係後生仔
，又有家室 
，只可欣賞A哥珍藏閃卡 
，唔可以封佢係偶像 
要封偶像只可封另一個edison 
袋鼠,
希仔你忘了 ??
stockinvest,
袋鼠講左: Wall Street（1987，Oliver Stone導演）
續集 coming after 20+ years. 主角己是花甲, Wall st 的荒謬依然.
罐欺? 江山如此多嬌~
小妹: 人壽一買就幾廿年, 咪咁懶喇, 自己compare多幾間~ 我幫親aia, 貴到pk, 兩個字後悔~ 傳聞恒生都ok~ 我唔太喜歡幫親agent, 因佢地好q煩, 得閒就叫你買雞金或加單~
終結者，袋鼠因為無諗買樓，無特別留意袋鼠住家樓價升幅，只係知道好強，及房屋負擔能力是公眾議題。中國商品需求及廉價資金，帶旺經濟，當然對樓價有間接關係。不過見呢幾年見多咗好多中國人移民，帶好多錢嚟，可能好多係想買本護照買保險，不論係自用或炒買，到有份扯高樓價啩？
早兩個星期，央行主席因央行五十週年紀念，在央行禁地，上電視早晨節目做訪問，擺明個款，今年加息唔會手軟。除了預防通脹，要從需求方面壓抑樓價。
牆頭草 what is the movie name?
By the way, I want to say Luk Sir is a very good leader with good observation, analysis ...etc ability. ( it is a bit late for me to learn such good skill though.. sigh..) Previously, I followed some G.M or top management in big company ... their skills are already very good, but comparing with Luk sir ... like a star brightness vs moon brightness.
我估係 ''罐欺陳'' 先生。
//哈.. = 有好多男生當 edison 係偶像.//
我估你講嘅edison，唔係發明鎢絲電燈膽嗰位仁兄
袋鼠,
哈.. = 有好多男生當 edison 係偶像.
Loeb seems to have a book on investing
內房一早沾左手喇
1777........
離晒題外話: 小妹要想買人壽保險&危疾...邊間公司既plan好&抵買?
阿爺又打內房~ 各位萬勿沾手啊
扮豬兄: 你條問題真係大到可以出份幾百頁分析報告噢~ 你想比較什麼呀?
簡單講1109國企, 其他係民企. 1109同688經常被形容係內房龍頭, 因地儲分散, 市值又大, 後台又勁, 上市歷史又夠長. 272就想起朱玲玲同東尼囉~同埋上海新天地, 股價波動好笨(穩), 唔係我杯茶, 仲未出業績呀. 4條3做左日首富就無左下聞, 股價就一沉不起了, 做多兩日都唔知變成點了, 廣東五虎之一, 土儲最多, 全國25個城都有. 龍湖主力係上海, 北京, 重慶, 成都, 西安~ 共2172平方米, 但成本只係2225. 睇番地點, 又真係好似幾優質幾平啊~ 陸sir好早前睇好重慶, 960又係駝地, 所以得到佢老人家垂青?
草哥，你留言整張Michael Douglas在Wall Street（1987，Oliver Stone導演）嘅劇照。正好袋鼠剛剛買了新一期(April 2010, no.596)嘅「浮華世家」雜誌（Vanity Fair - 約廿年之前有Demi Moore大肚裸照做封面嗰本），今期Michael Douglas做封面，因為Stone拍Wall Street續集。導演拍Wall Street時有佢嘅道德標準，但結果係佢素造嘅反派人物Gordon Gekko最受祟拜，經常有財經人士走嚟多謝佢，話佢係Inspiration。佢拍續集，劇本作者慨嘆要寫實描繪今日華爾街，寫出嚟嘅人好極都有限，好難寫忠角。
…There may in fact have been some naive and innocent young man still wandering around Wall Street in 2008, but no one will believe it. On Wall Street, youth and innocence have long since divorced. In 1985, Bud Fox came to Wall Street hoping to get rich; his equivalent in 2008 came assuming he would get rich.
Allan Loeb, the screenwriter of Money Never Sleeps, is a trained stockbroker who admits to watching CNBC more than is good for him, so he was well aware of the problem. "Bud Fox wouldn't exist in 2008," he tells me. "Or if he did, he'd be 15 years old." Loeb dealt with it by drawing a far more complicated young man than the one played by Charlie Sheen. "The Shia character already comes to us a little wiser and a little corrupted," says Loeb. "There may be an idealist in him, but he won't admit to it."…
續集叫 Wall Street: Money Never Sleeps
PS 平時無睇開呢本雜誌，呢本「浮華世家」頭70頁睇落去好似全部係廣告，唔似會有散文、特犒。
我估佢30幾歲，人到中年，過往過開的生活開始覺得千篇一律，好多人包二奶都係呢個年紀開始.
陸 Sir都說 : "30幾, 人到中年," 重以為自己是青年呢, 我未結婚, 但有親密女友, 行 o左 多年, 我們都不打算結婚, 我們有正職, 不會包二奶, 但生活開始覺得平淡, 想識第二個女仔, 老友話我自尋煩惱, 唔通要如陸 Sir 說 當然轉工開展人生另一頁, 好大考慮呀 !!!!!
據《華爾街日報》網上版報導，據該報見到的基金文件顯示，摩根士丹利向其規模88億美元的地產基金的投資者們稱，受失敗的地產投資項目拖累，該基金可能會損失掉將近三分之二的資金，即高達54億美元，這亦有可能是私募股權基金地產投資歷史上規模最大的一筆損失。
摩根士丹利一位發言人拒絕就上述虧損置評，但她強調，摩根士丹利長期仍致力於地產投資。
~~~~~~~~~~~~~~~~~~~~~~~~~~
根據《經濟學人》今年1月發表的數據，在美國買一個巨無霸約需27.8港元，在挪威則要54.3港元，中國最便宜、只需14.2港元，香港為15.8元，較馬來西亞 略平。
去年9月，香港金鐘海富中心麥記再刷新紀錄，在15分鐘內服務了227名顧客，打破全球麥記在最繁忙時段的顧客人次紀錄。在港有逾200間分店的記，平均每間每年顧客人數逾70萬，伍日照說，美國不及香港一半。
名仔, 星期5先返學噢!
史哥, function- copy & paste. 沒有問題!