咁樣做生意都得 2

有一次又係瞓到濛濛瓏瓏, 又係失驚無神一個電話入ｏ

有一位嬌滴滴的女人声, 請問乜乜大厦乜座乜樓, 閣下係咪業主呢？

（吓？又關你事？） 係又點？ 唔係又點？ （有小小嬲嬲地, 不過見佢係女人, 又唔好立即惡言相向！）

冇, 有人出價X百万想買你個單位, 有冇興趣？

阿姐, 唔想賣噃, 賣咗我住边呀？（呢位小姐, 認真白撞得緊要！三唔識七, 打個電話就想做X百万生意, 乜而家D地產公司咁做生意嫁！有冇成功個案呢？）

咁, 租唔租？

吓？租？租咗我住边呀？（黃SIR諗: 佢梗係心想, 呢條老嘢咁死得閒, 仲唔收線！）

哦, 我地一樣有租盤, 你想租幾大吖？ （哈！呢位姐姐真好嘢！一於食住唔放！）

同我而家住緊呢個一樣大, 地址一樣, 得唔得？（擺到明混吉！）

車！你都混吉嘅！

吓？ 混吉得過你？我瞓得好地地, 俾你玩到醒晒ｏ

黄SIR係咪好鬼無聊呢？嘻嘻！