不立文字

吾友釋迦牟尼先生傳了一生教之後, 奉勸接班人, 教外別傳, 以心傳心, 不立文字ｏ意思即係, 如果你想教識人, 千萬不要寫低來教, 一定要用個心來教（即用腦傳腦, 古人傻咗, 以為用個心諗嘢, 個心用嚟泵血, 又點識諗嘢呢）即係雙方都要有腦, 才可以高智地溝通也ｏ

一旦寫低咗, 就麻煩了ｏ正如道家講丹田, 有D儍瓜道士就去用爐火練丹葯, 做鬼咗化學家ｏ（咁錯法都幾得意ｏ）

禪宗說傳衣缽, 世人就以為取得衣砵就可以得道, 六祖慧能俾D師兄弟追咗九條街, 要攞番D衣砵ｏ據記載六祖於是放低在地上俾班友攞, 結果冇人攞得郁, 拎唔起, 重得滯, 有符FIT也ｏ（你又知唔知有乜符FIT（魔術）呢？）黄sir又識！

西方宗教仲離譜, 翻譯希伯來文, 搞到耶蘇的母親瑪利亞, 處女懷孕, 一D都唔科學, 夾硬要出神仙至拆得掂, 上帝的子女係咁出世矣ｏ既然咁都得, 不如天跌落嚟仲方便啦ｏ

（聽講最近教會研究小組要搞重譯ｏ）唔係處女而係少女ｏMAID字不一定係處女, 少女都得ｏ以前譯鬼錯咗, 唔好意思ｏ（死嘞, MAID字的希伯來文黄sir一時唔記得添！明明識格ｏ ）

唔驚, D網友又有幾多個識吖, 我機呢姑LU亂吹, 佢地都以為真ｏ有好多人傻到以為我自大狂, 乜都話識ｏ唱嘢好過任劍輝嘛, 我話識邊個邊個, 吹水王, 唔整蠱吓佢地, 仲有人嚟睇乎？

黄sir講一句, 話放下ｏ 茶餐廳D伙計就放低杯奶茶, DHL就放低D貨係我門口ｏ個個人聽到 放下, 反應都不同ｏ 我個女就最乖, 放低D錢俾我, 所以話以心傳心幾過癮, 一寫低就俾人抽抨了ｏ

所以吾友釋迦牟尼先生叫人傳智慧, 要以心傳心, 不立文字, 係啱嘅ｏ

在BLOG上, 不用文字, 又可以點呢？ 我諗ｏ