有智者事竟成

有志就會成功？ 我成日想嬴馬（我的大志！）又唔見我次次成功, 所以應該改為有智者事竟成, 就好好多了ｏ

智慧不是聰明, 而是終極勝者的思維ｏ 有D好聰明的人, 但卻设有智慧, 結果事事碰壁, 但有D人好似好鉁底 但好鬼死有智慧！能夠明白別人的心意, 又能成功化解別人對自已的敵意, 是很需要智慧的ｏ

在金庸小說中, 大英雄喬峰, 被丐幫幫主夫人馬夫人狂屈, 害到佢鷄毛鴨血, 一直不知何故ｏ至到馬夫人死前, 才講出要害喬峰的原因, 是因為在一個公開的場合, 馬夫人出現, 人人都驚艷, 但喬峰卻正眼也不看她, 令她覺得受到侮辱, 一定要想法子去整他一下, 這個她心目中的（偽君子）！（喬峰都為之吹漲！咁都領嘢, 真係防不勝防也！）

至於在拍案驚奇中有一段, 描寫一個人被一位狂人瘋狂攻擊, 不斷追殺, 如有十寃九仇ｏ 到佢被殺之前, 佢要求對手講出, 點解咁恨佢ｏ 對手話, 你記唔記得, 有一次在市集上, 我賣一塊古玉, 等住返屋企同老婆和兒子睇病, 你不明不白, 人地買家已想買, 你就口不擇言話, 呢塊真玉係假嘅（随口噏,貪口爽！）結果累到我賣唔成ｏ 我老婆及兒子冇錢医病, 病鬼死晒！ 我而家剩下來, 生存的目的, 就係揾你報仇！（唉！你話幾寃枉！）

日常生活, 好多時事情的處理, 大家的誤會, 都需要智慧解决的, 如果不懂得化解, 只能玩少D囉ｏ

所以說不可一日無智慧也！