人心不足蛇吞象

大家當然明白這句話的意思啦, 不過有冇人真正講過呢個故事你聽呢？黄sir的祖母就講過給黄sir聽ｏ

原來 象 是一個小朋友的名字, 佢本牲善良, 充滿愛心, 原是一個非常有前途的人ｏ但有一天他返學途中收飬了一條小蛇, 於是佢就日日飬佢, 結果條蛇漸漸長大, 原來是一條巨蛇ｏ

此時阿 象 兄的母親剛巧有病, 医生話要食蛇胆才可以續命ｏ（無巧不成書也）於是阿象就求巨蛇兄, 俾佢進入肚中, 割一小片胆救母親ｏ

巨蛇是靈蛇, 為了報恩, 自不然答應, 於是亞象日日割蛇胆一小片医阿媽ｏ巨蛇也可以復原, 相安無事ｏ

日日如是ｏ

一日 象兄就諗, 如果我一次割大塊D, 豈不是母親的病可以立即好番？

於是佢一刀割咗四分三個胆, 巨蛇痛到飛起, 把口一合, 象兄一生就咁玩完ｏ

呢個就係我細個時聽的, 人心不足蛇吞象的故事ｏ

還有一個出米洞的故事, 也類似ｏ話說某寺院有一出米洞, 日日流D米出來, 夠寺院之用ｏ

但D和尚不心足, 想出多D, 打洞口開大D, 但開大咗就破壞了靈氣, 冇米出了ｏ

也是一個貪字变貧的故事ｏ

聽了這两個故事, 近日在股海浮沉的朋友, 是否會有D感悟呢？