點解政改必惹紛爭

香港大部份市民可能根本不明白, 為何每次政改皆惹來紛爭？

原因就是, 政制的設計, 就是香港權力和利益的再分配！如果稍稍向某方傾斜, 香港社會就會有根本上的改變！

誇張d來說明此事, 如果立刻全部直選！而全部選出來的人物皆泛民中人！是不是政情一面倒？ 屆時連特首都冇碇企！亞爺更加冇晒修！工商界更冇晒發言權？呢個社會, 係唔係好大劑？

但反過來說, 如果大部份是民建联, 保皇黨！工商界人士！又妄顧了小市民, 貧苦大衆利益！這就是香港的現况了！

功能組別中有些界別, 根本設計時太保護既得利益者！做成存班人次次自動當選！不思進取！只顧私利！這就是選民基礎不夠濶的結果！

但又不能一竹篙打一船人噃！因為有些界別, 例如教育界, 医學界, 法律界, 會計界……選民皆有學識, 負責任之仕！又點可以話唔公道冇存在價值呢？

其實現存的制度, 己是之前多番爭議及妥協的產物！

而家又話要改咯！

各方人馬仲唔出力爭乎？

所以就次次爆大鑊囉！可能有班既得利益者ｏ覺得而家已經好好！最好就永都改唔倒啦！世事荒謬之處就是如此矣！

想改？

黄sir認為要等現在呢班既得利益者瓜清至得嘞！哈哈