吹皺一池春水

最近在一社交塲合, 碰上了許久不見的朋友, 自然會寒喧幾句, 又會例牌問吓近况ｏ但當佢聽到黄sir退了休, 學唱粵曲和跳社交舞的時候, 問題就來了ｏ

首先此君（當然毫無惡意）說這两樣活動, 打死佢也不會做！（你閣下唔做, 同小弟正在做緊, 是否毫無關連呢？ 駛唔駛講俾我聽呢吓？我又冇叫閣下参與！）

跟住佢又繼續, 口沒遮欄地, 列舉粵曲多麽嘈吵, 多麽討厭（此君根本冇留意黄SIR此刻對佢, 也很討厭！）粵曲更會令到佢頭痛！（咁就最好講都咪講啦！而家到黄sir頭痛也ｏ）

跟住佢講到學社交舞仲妙, 佢話此事佢也不會做, 就是要揾派拿有困難ｏ（黃SIR立刻由心笑出來, 以你閣下如斯自我中心的人, 如斯性格, 何止揾唔倒派拿呀, 相信揾個朋友都難啦！要跳就去跳……..排排舞啦！）

觀乎此君之思維, 由見面第一句開始, 只談自己之感受, 完全冇理會別人的感受, 根本一D社交的禮貌也不懂 （可能佢以踩人為樂！）ｏ 佢見黃SIR默言無語, 仲洋洋得意, 以為黄SIR完全受哂ｏ

誰知黃SIR心中澄明一片, 此君成世人也揾唔倒一個伴侶, 無兒無女,孤獨終老, 可能這個就是主要的原因也ｏ

一個人錯了大半生, 居然錯而不自知, 黄SIR有小小替佢難過ｏ

如果能夠有一位諍友講俾佢知, 相信佢呢世人, 會過得快樂好多也, 我想ｏ