6月6日

　　美股周五下挫三百多點，明天港股睇黎都要跌，外面好極端，同依家社會好分化一樣，睇好既有一堆理由，睇淡既都有一堆理由，好像不見中間，都岩既，企係中間即係游離，拿不定主意，對比好淡兩邊一係嬴一係輸更加蝕。小弟站係好一方面，除非突然間整個環球金融體系出現問題，否則我暫時都係樂觀，因為歐洲問題的確嚴重，但又未至到解決不了既地步。當然歐洲問題不能忽視，但睇番亞洲因為資金太充足，內地要不斷收回熱錢，但另一邊溫總又話唔係退市時候，顯然中國都試緊底線，咁香港都自然唔例外。

　　小弟自己對身邊有了不同既睇法，一黎小弟換左新工，不過小弟既新工都幾危險，因為已經係半個夕陽工業，暫時都係返左一個月多ｄｄ，試用期都未過，不過手頭現金多左，會較積極，年輕人搵工仍然困難，但係確實就業機會多左。好多行業都要增加番人手，消費市場見到都大膽消費，咁究竟係利好定係迴光彼照，依家股票要搵食變數真係好多。

　　股災係樂觀時產生，依家又究竟算唔算？牛市係最消沉時產生。從圖表睇，依家係熊機會大，但熊市係係好樂觀既時候出現，不易察覺，但依家做到出晒面依家係０７－０８翻版定係２０００年翻版？

　　就業市場好轉，企業盈利回穩係現時察覺得到，但股市卻向下沉。

　　小弟現時繼續一股不沽，仍等待心水股增持，但都小心翼翼１９０００點，假若真的股災到１００００點，真係oh my god，。所以增持資金都有少少限制。