話不投機半句多

有D比較生疏的朋友, 在社交場合過見佢, 只能寒喧三幾句就要走頭, 原因是話不投機半句多ｏ

例如你話最近有寫吓網誌, 佢就話你好得閒咩？ 又冇錢揾,  D人係度寫網誌多是露體狂, 將自已D私事公開晒, 正一大笨蛋！（吓？乜有人咁諗嘢嘅！）真係冇嘢講嘞！

至於講跑馬, 佢又話跑馬假到離譜, 只有蠢材才會玩, 倒錢落海！跟住仲大講賭之害！又係冇嘢好講嘞！

同佢講吓唱歌, 又話, 你想騙財騙色乎？（大佬！我有冇咁好條件呀？）唱粵曲都冇個好人, 男盜女娼！嘩！大佬？咁點傾落去呀！

講吓跳舞, 又話, 你想做鴨仔乎？做鴨就後生做啦！而家咁死老！正一老鴨！（大佬！你冇句好嘢！又係點傾落去呀！）

最慘仲遇倒D一面倒的泛民佬, 根本冇辨法講多句, 三句唔埋就話你, 親中, 愛國愛港（有乜錯先！）！ 假民主,！假普選！ 就係有佢講冇你講！

遇倒泥D人, 黄SIR立即打退堂鼓, 對唔住！屋企養咗隻豬, 要趕住返屋企同隻豬傾計！

吓？ 乜你同隻豬傾計！正一大笨蛋！哈哈哈！

（係呀, 同隻豬傾計, 都好過同你傾啦, 黄sir個心講！嘻嘻！）