人之患在好為人師 2

有時黄sir自己, 也不自覺地喜歡教人呢樣, 果樣！人之患嘛！

例如人地賭馬, 黄sir最喜歡教人食全餐！結果撞啱開大熱門, 輸到條友灘灘腰！反哂白眼！十分好笑！

有時又不自覺, 去教人唱粵曲, 網上留言, 話應點落肚發声！一個唔該俾個唱歌的師奶, 窒到飛起！吹到啤啤聲！

有時仲教人食療補身！蟲草, 燕窩乃黄sir至愛！又誰料居然有人諗歪咗, 以為黄sir在晒命！此乃貴價藥材！可食, 但不可叫人食！人地食唔起, 自卑起來, 就認為你潤佢也！有d忍唔住頸, 就窒番轉頭！大家無言以對！只能閃！

又有時黄sir鍾意引古諷今, 古書又點講…..點講……誰知周遭朋友未必博覽群書ｏ 以為你大佢！古人講セ你都知？…….又唔見你做古人？（ 作古？即瓜老襯！）教人教到俾人咒………瓜老襯！真何苦來哉也！可見做人之患之難也！

有時黄sir都自怨太過有料！又忍唔倒口去教人！教得两教就出事！

唉！人之患！（老師的別稱！）其實解作……..人的通病！在好為人師！信焉！