以和為貴

近日世界杯殺到, 六一一至七一一！全城足球狂熱！

平日黄sir只賭馬, 不賭波！因做唔切功課也ｏ 一星期跑两次馬, 又唱新曲, 根本冇咁多時間玩！

但世界杯睇波, 豈能不落小小注, 等看來更覺投入也！

對於黄sir此類懶人, 黄sir發覺有一招簡單又易的賭法, 就是塲塲主客和買和！

以和為貴！

通常和波都三倍幾！開波至今五塲波和咗三塲！有錢嬴！

一唔係就買入球大細的細！五塲波全部細晒！原因是世界杯, 事關國家榮譽！球員自不然小心奕奕, 不敢有大過失！足球入一球, 要配合天時地利人和！又要唔越位！好鬼艱難也！

所以全部買細就至正也！

對於一些唔睇波的師奶！家中有人睇波！例如丈夫, 兒子, 女婿, 朋友之類！黄sit建議要盡量配合！因四年一度！人生難得也！

黄sir有一同事, 有次同黄sir講, 兒子去了美國讀博士, 寫回來的家書, 還津津樂道, 當年同老父一齊半夜在廳間看世界杯, 母親一句怨言也沒有之情也！可見難能可貴也！