陸羽仁
陸羽仁
陸羽仁

賭徒(2)

2010/06/17 09:32:33 網誌分類: 未分類
17 Jun

香港放咗一日假,期間美股大升咗一日,前日杜指大升213點,昨日幸好也保住升勢,最後微升5點收場,兩日加埋升咗218點。

 

美國5月新屋開建數字大幅下滑,Fedex季度業績唔理想,加上西班牙債務危機有升溫跡象,美股繼週二大幅收高之後,昨日早段偏軟。不過,美國總統奧巴馬見完BP公司總裁後,BP同意設立200億美元嘅墨西哥灣漏油事故賠償基金,市場消除了不明朗因素,能源板塊普遍上揚,帶動大市反覆回升,杜指收市更倒升5點,收10409點;標普500指數微跌不足1點,造1115點;納指持平,報2306點。杜指期貨最新報10386點,比現貨低水21點。

  

港股美國預托證券與周二收市比較,維持升勢。ADR港比指數收20448點,比香港收高386點或1.9%。匯控收報74.83元,比香港收市高1.3%,中移動收78.07元,比香港收市高2%。

 

美國公佈的房地産市場數據令人失望。在美國政府結束向購房者提供減稅優惠政策後,美國5月新屋開工數字按年計下降了10%,總數59.3萬套,跌幅高過市場預期的下降5.2%至63.7萬套。  

 

    昨日公佈PPI指數則表明5月份通貨膨脹壓力依然溫和。指數較4月下降了0.3%,少過市場預期的0.5%。如果不考慮流動性較大的食品與能源價格影響,核心指數則增長0.3%,係連續第七個月環比上漲,其中以輕型卡車價格上漲較為明顯。而5月份工業産值則較去年增長1.2%,高過上月及市場平預期的0.8%。

 

上次講起賭徒,又有一個例子和大家分享,網友失敗投機者留言咁話:「陸sir,睇完你篇文,我亦好有感觸,想分享自己的故事,亦希望陸sir指點迷津.我是一個掛名股票經紀 (因為沒有客,只是自己幫自己炒) 入行只有半年,但自己投資投機經驗都有幾年,工具包括期指期權牛熊等衍生工具.係半年里,試過用20多30萬本,1個月里搵左20多萬,但最近都輸番出去,連自己的本金都輸得七七八八,覺得自己非常失敗.好多時我都覺得自己是一個投機者,同賭徒是有分別.但有時又不其然諗,自己係唔係都是一個賭徒.因試過曾經幾張期指,幾球牛熊過夜,一晚輸十個(10萬).我而家都是未到30歲,但都經歷了多次大上大落.而家負債接近100萬,好迷失.我是想做一個成功的投機者,不過到現在為止,結果係失敗的.但如果轉第二行,都唔知何年何月有機會還清.我知道陸sir一定見過好多呢類例子,希望陸sir可以分享你的睇法。」

 

    我後來追問「失敗投機者」,究竟佢欠100萬和炒股有無關,佢咁回應:「陸sir, 100萬是之前欠下的,都是炒股,炒期指,期權輸的.而最後剩下20-30,諗住可以慢慢翻身,不過就越踩越深.

 

    聽完全套,可以總結「失敗投機者」的個案,佢合共借咗100萬,之前炒輸咗7080萬,剩番2030萬,過去半年做「掛名經紀」輸埋,即係輸清100萬,不知何去何從。

 

    人作為靈長類動物之冠,論攻擊力不如獅子、老虎,論速度不如獵豹,憑甚麼稱霸地球? 主要係用腦,靠學習。我看過一輯紀錄片,講一隻猩猩如何慢慢學識用石頭打開椰子來吃,猩猩都OK,可見智力更高的人類,學習能力更高。對,就是高階思維和學習能力,令人類可以稱王稱霸。那麼「失敗投機者」你又從自己的失敗經驗中,學到甚麼呢?

 

    你總結唔到,我替你總結,第一,你未具備投機贏錢的能力,但有好清楚的失敗往績。好似賭馬睇隻馬過往賽績,我睇你啲炒股賽績,都會估你賭落去多數輸。直至你發現自己過輸的原因,並經清楚測試你的總結是正確之前,最好方法是唔好再賭。停一停,諗一諗。

 

    第二,我靠估你輸錢的原因,和好多散戶炒股、炒衍生工具輸錢一樣,係同大朋友對賭,輸俾佢地。賭衍生工具是一個「零和遊戲」,你贏,就是對手輸,你輸,對手就贏,而你賭衍生工具,對手並不是隨機分布的其他散戶,而係各式各樣的大朋友。炒期指,散戶好多時是和本地和外資大戶對賭,試想一間大行自己炒作都可能買賣幾千張期指,要搵散戶做對手,佢想揸,自然造到個市有咁衰得咁衰,佢可以借現貨大手沽空,然後買期指,插到底反手撈番現貨,坐待收成。反之佢要沽亦都係一樣,造到大市好好等你接佢貨。至於期權和窩輪,你去買,就係同沽家對賭,方向有三個,升、跌、唔郁,你買升,開跌或開唔郁,都係你輸(唔郁時會輸哂「時間值」),即使你買升買中咗,股票真係升咗,都要你走得到先至算贏,曾經升過你無走,最後跌番落來,你一樣輸。

 

    第三,要賭贏大戶絕不容易,要在鱷口偷金賺小小使費已經好難,我估你炒作的方法根本係錯,好多時甚至不是炒作,係賭博,你話「因試過曾經幾張期指,幾球牛熊過夜,一晚輸十個(10萬)」。炒咁大過夜,好多時和賭大細無乜分別,炒股過夜,最大變數係當天晚上美股表現,美股升一日跌一日,邊個咁有把握估到美股點走,你揸咁大過夜,可以一晚發達,也可以一晚輸清,同賭錢無大分別,如果你每次都把手上注碼投哂入去,中兩日,錯一日,最後一錯都你令你連本帶利輸哂。唔識控制風險,係炒作方法的根本問題,成日想一朝發達,一晚番本,結果反而會把自己的本金不斷賠上去。所以簡單一句,唔識賭唔好賭。

 

    第四,後生大把機會。你話做掛名經紀自己炒「到現在為止,結果係失敗的.但如果轉第二行,都唔知何年何月有機會還清100萬欠債.」呢個世界無得一步登天,有正確方法,慢慢累積可以修成正果,方法唔正確,只會愈行愈遠。如果你做經紀有自己客仔,一個月有萬零銀或以上收入,自己唔炒都可以搵到食,當然可以做落去;但如果你根本無客,靠自己炒食自己佣,半年炒股唔見30萬,平均一個月都唔見5萬,你唔係打工收錢,係貼錢打工,不如唔做好過。

 

    第五,肯博實有出路。戒掉壞習慣,增加正收入,係累積財富之路,我唔知你有乜其他壞習慣,例如賭波,如果你賭一次2000次,買3次中一次淨輸兩次,一年隨時唔見10萬、8萬,戒咗佢已經有唔少錢還債,打兩份工又多啲錢還債,花三幾年還清債務,從新上路。關鍵是從失敗經驗中汲取教訓,唔好再做錯事,慢慢就可以行番上正當軌道。

 

陸羽仁

回應 (33)
我要發表
陸羽仁
陸羽仁 2010/06/18 10:02:22 回覆

陸羽仁覆網友

 

CCB:你話有閒錢好唔好買恒大,內房股中,龍頭當然係中國海外,另一國企華潤置地都開始有規模,二選一我會選華潤置地,因為佢size相對中海外細啲,成長空間大啲,而且部份土儲相當便宜。但這兩隻都係大股,論增長,當然不是高增長股。

恒大老細如拼命三郎,下下去到盡,好博,博到最近幾季賣樓呎數追過大陸最大的萬科(銀碼未追得上),成為售樓呎樓全國排第一的房產公司。如果俾佢博到,佢未來兩三年增長會好勁,但講得係博,自然都有風險,只怕佢資金週轉唔來,特別係股價跌得比較多,都會影響其再借錢的能力。所以唔係唔可以買,要係買佢時要有控制風險的預備,要麼定止蝕,要麼只放小注,輸咗唔入肉。

 

Fatfat3838:廣東省的政策都係想產業升級,想將一些低技術、規模細勞力密集的細廠換走,如今佢地頂唔順提高工資或民工荒,被逼關門,和廣東的政策大方向相符。

 

Loss confidence:輸得多,贏得少,係散戶炒股累積輸大錢的原因。而炒期權、窩輪仲難,因為呢種東西適當時候要落車,想贏得多,坐過籠又變輸,炒呢啲嘢更有一個適時食糊的問題,更難把握。

 

大虎:你問點樣才可以投機贏錢,呢個係成百上千本書探討的主題,等我組織下,再在網誌講講。

 

紅油炒手:你呢個問題好有趣。「"白街" 話日日幫你慳----慳左即是賺左。黎耀長 買野慳左$3.8 即是賺左3.8。看似有道理,但又覺似是而非,譬如今天2628收市$34.8 相比起海嘯前$53.8。今天買,平了$19------照白街 : 賺左 $19。若姨媽姑姐 從不買股,今天買 1萬股,豈不即賺19萬?明天再買、再賺,甘容乜易發達?」

首先,贏輸有時是相對的,假設你全屋炒股都輸錢,你由頭到尾都不買,放在銀行存定期,到頭來你多錢過佢地好多,你「贏」了,這是「不賭是贏錢」的道理。

但要絕對地贏錢,第一要買到好股,佢賺到錢,股價會增長、派息會增長。第二要買入價便宜,咁就更抵。所以姨媽姑姐過去從不買股,但今天佢34.8元買國壽,當然比53.8元買國壽的人「賺」了,因為同一件貨,佢買得平當然有「賺」。但倒過來說,如果姨媽姑姐一世人都不買股,你買國壽,即使在53.8元買,買貴了,但跑十年廿年,國壽的股價加派息,好可能比在銀行存款高,咁買咗貴的國壽(假設佢係一隻中長線都可以保持盈利增長的股票),長線都係比揸現金好啲。

 

你另外問的投資酒樓的問題,要花一點時間講,不如下星期在網誌中再答你。

子龍 (kaka就是大叔的契哥)
子龍 (kaka就是大叔的契哥) 2010/06/18 09:14:07 回覆

門徒兄: 早晨呀  何為攻  何為守???

攻要狠  守要忍

攻想嬴  守怕輸

攻如雷  守如陰

攻要直  守要曲

攻要動  守要靜

攻要溝  守要坐

攻要long 守要short

攻中有守  守中有攻  攻守兼備  大戶也頭痕呢 {#icons_boy1}

soho*
soho* 2010/06/18 08:50:35 回覆

感謝陸sir百忙中抽空回覆! {#icono_85}

門徒
門徒 2010/06/18 01:37:32 回覆

子龍兄:我又問我又問...咁何以為攻又何以為守呢 {#icons_cat9}

門徒
門徒 2010/06/18 01:30:45 回覆

籃妹:妳問子龍兄係咪投資投機都一樣架

咁門徒想問妳投資同投機既目的又一唔一樣呢

門徒
門徒 2010/06/18 01:08:21 回覆

你班友仔:完黎個個靜雞雞私訪相授...兩美盡得真傳快成陸sir網內既股壇雙妹嘜呢 {#icons_cat2}

享師兄:已練成隔夜咒嗎???小門以後跟你搵食了 {#icons_cat8}

失敗投機者 :當初點解會有份咁既衝動借錢投資既 {#icons_panda1}銷售金融???對經濟應要有一定認識吧...係咪都要同客戶做風險評估既呢???

 

潘記:如現在未能改變環境請改變自已心境 {#icons_cat1}這範疇內你有神一樣的權能呢

子龍 (kaka就是大叔的契哥)
子龍 (kaka就是大叔的契哥) 2010/06/17 17:47:10 回覆

fly兄是全攻型. 進攻就是最好的防守.

只攻不守  輕勝對手. {#icons_panda9}

子龍 (kaka就是大叔的契哥)
子龍 (kaka就是大叔的契哥) 2010/06/17 17:27:44 回覆

bluepanda: 姐姐開完會啦, 主要投機有用. 投資就要學懂何謂價值咁囉.

子龍 (kaka就是大叔的契哥)
子龍 (kaka就是大叔的契哥) 2010/06/17 17:07:17 回覆

投機大盈一次  可能是好彩  但想長期盈利  必須經歷過大風浪  而仍然能生存者  才有機會大盈  風險管理才是王道  即是先學守  才學攻. 只攻不守  注定早抖 {#icons_panda13}

子龍 (kaka就是大叔的契哥)
子龍 (kaka就是大叔的契哥) 2010/06/17 15:28:55 回覆

天涯兄: 205全數轉去210  信心不大 {#icons_boy3}

投機不一定盈利  反而很大機會虧損. loss兄說得對, expected value雖然簡單, 但已很清楚說明老散失敗的原因  高手即是高手呢

門徒
門徒 2010/06/17 13:04:16 回覆

大笨兄:我嘈嘈貢應該是"蟬"你是"螳螂"小心後邊有"王雀"呀 {#icons_cat9}

門徒
門徒 2010/06/17 12:33:59 回覆

其實如有師兄覺得自已睇市都幾準的話...可試下走落去人多一點的股票行度睇市試下仲有冇咁準呢 {#icons_cat1}

門徒
門徒 2010/06/17 12:28:58 回覆

失敗投機者:講多d黎分享下丫 {#icons_cat1}

子龍 (kaka就是大叔的契哥)
子龍 (kaka就是大叔的契哥) 2010/06/17 12:21:25 回覆

門徒兄: 係囉  唔使抵押都借到過百個  真唔真架???  咁咪好高息???  {#icons_panda1}

門徒
門徒 2010/06/17 12:20:38 回覆

myself   兄:唔知啊...不過聽佢地講周身債乍...點look番黎唔方便講你試下問問你個經紀丫...你雖知道當初他是贏錢的20,30本金曾贏過20萬加黎有50萬了然後買現貨再低壓攞d錢黎炒期貨...說不說得通呢...條數唔係一次過欠下的

門徒
門徒 2010/06/17 12:05:38 回覆

myself  兄:人地經紀黎丫麻...巧多行內人都欠公司錢呢

門徒
門徒 2010/06/17 12:04:22 回覆

寧得罪小人莫得罪神人 {#icons_panda5}借力!!!

子龍 (kaka就是大叔的契哥)
子龍 (kaka就是大叔的契哥) 2010/06/17 11:58:57 回覆

fly兄: 是已婚男??? {#icons_panda26}

食完202熊先跌  咁絕....... {#icons_dog5}

門徒
門徒 2010/06/17 11:55:10 回覆

享記:你要我去網聚不是想落我降頭吧???唔好呀!!!大佬!!!最多我以後唔出聲啦 {#icons_panda5}放過我吧

子龍 (kaka就是大叔的契哥)
子龍 (kaka就是大叔的契哥) 2010/06/17 11:19:10 回覆

loss兄: 唔....今年內又真係無咁快  不過海桃由開售至今  都升左接近成倍  要等阿爺開水喉. 人民幣長遠升值  對本地地產有帶升作用呢

子龍 (kaka就是大叔的契哥)
子龍 (kaka就是大叔的契哥) 2010/06/17 11:00:03 回覆

loss兄: 海桃灣係正地鐵上蓋, 比帝皇宮更優質, 三萬元一呎不遠矣. {#icons_boy1}

子龍 (kaka就是大叔的契哥)
子龍 (kaka就是大叔的契哥) 2010/06/17 10:41:18 回覆

fly兄: 子龍是男生噢  而且很像安德尊  不美呢 {#icons_panda25}

天涯兄: 噢....師兄料事如神呢

子龍 (kaka就是大叔的契哥)
子龍 (kaka就是大叔的契哥) 2010/06/17 10:31:55 回覆

天涯, 門徒兄: 前門失火  205面對收回風險呢  {#icons_dog5}

門徒
門徒 2010/06/17 10:27:58 回覆

將軍:補唔補飛呀 {#icons_panda1}

子龍 (kaka就是大叔的契哥)
子龍 (kaka就是大叔的契哥) 2010/06/17 10:23:36 回覆

門徒兄, 天涯兄: 早晨呀. 20200收回熊..... {#icons_dog5}

fly兄: 網聚有很多美人  你真係唔去呀??? {#icons_panda1}

門徒
門徒 2010/06/17 10:22:02 回覆

11.9今日開市價 {#icons_panda1}

門徒
門徒 2010/06/17 10:18:53 回覆

pplo:妳諗住揸就不要成日望住它啦...望望下會唔記得自已當初想點架仲會俾佢帶住黎行不要再被股玩妳妳要玩番佢先好玩丫麻 {#icons_cat2}

門徒
門徒 2010/06/17 10:14:59 回覆

失敗投機者:如你曾幾何時有"追回"的諗法...我建議你放棄吧我可以肯定冇一個成功的投機者會帶著追回的心態進場的...如有他好彩罷了

門徒
門徒 2010/06/17 10:05:04 回覆

子龍兄:大將之風啊...恆仔都未跟升

子龍 (kaka就是大叔的契哥)
子龍 (kaka就是大叔的契哥) 2010/06/17 10:02:40 回覆

pplo, 花太: 早晨呀. 202熊沒有了...... {#icono_61}

門徒
門徒 2010/06/17 10:02:16 回覆

pplo: {#icons_panda23}

子龍 (kaka就是大叔的契哥)
子龍 (kaka就是大叔的契哥) 2010/06/17 09:38:23 回覆

騎騎....陸sir 師兄師姐早晨 {#icons_dog1}

 KFC
KFC 2010/06/17 09:35:08 回覆

Good morning.

user

最新回應

子龍 (kaka就是大叔的契哥)

馬爺: 大市是否很.....樣衰 {#iconb_62}

幪面馬仔
幪面馬仔 2021/03/09

將軍,大户 {#iconb_62}

子龍 (kaka就是大叔的契哥)

馬爺: 2127是什麼不懂. 但如是市旺的半新股, 一般存在高溢價. 即是有買貴, 有否買錯未知. 但如市況回復淡靜, 很多半新股都會破底, 問題只有一個---->貴. {#iconb_62}