睇波學做人 6

大家睇足球, 有時見球証手執紅牌, 趕球員出塲！此乃球員犯了大錯！例如踢人, 而唔係正正經經踢波！

但有時只係口噏噏, 講吓粗口, 博吓咀, 但球証先出示一黃牌, 繼而出示紅牌！又要趕出塲！

原因是此君先前已孭了一張黃牌在身, 两黃就變一紅！十分簡單易明！冇得講情！冇得爭辯！

剛見尼日利亞一黑人球員, 被希臘球員激怒, （用個球頂佢一嘢！） 佢起腳還拖！結果直接紅牌被逐離塲！只見該球員後悔到以球衣蒙頭！無面見人！後來尼日利亞更輸了波！相信此君今後一定冇好日子過！因為一次EQ低, 就注成大錯也！

有時做人, 根本冇咁清楚的訊號, 冇人會用黄牌, 紅牌驚告你！根本上很多人錯了也不自覺！到了冇晒朋友！冇晒家人！甚至眾叛親離, 也不知錯在何處！因為現實生活, 冇人會先出黄牌！驚告吓你先！再两黄變一紅也！

人與人之間, 有時一言不合！就會勢成水火！老死不相往來矣！

如果現實生活, 能有黄牌, 紅牌制度, 咁教人都唔駛嘥咁多口水也！