營運人生（２４）
G20多倫多峰會上周日閉幕，會後發布的共同宣言，要求各發達國家力爭在2013年之前將目前的財政赤字減半，在 2016年前減少政府債務占佔各國GDP的比例，投資者擔心削赤的承諾將給全球經濟增長前景帶來潛在負面影響。不過，美國最高法院的一項裁決提振了Reynolds American和Altria Group等煙草類股份的走勢。美股昨日表現反覆，成交薄弱，觀望氣氛濃厚，投資者可能係等埋週五出爐的非農就業報告至出手。美股三大指數變化唔大，個別發展。
杜指微跌9點，收報10139點；標普500指數跌2點至1075點；納指跌3點，收2221點。杜指期貨最新報10087點，比現貨低水51點。
港股美國預托證券微向下。ADR港比指數收報20660點，比香港收市低67點或0.3%。匯控收報74.7元，比香港收市低0.5%，中移動報78.76元，比香港高1仙。
市場對於今次G20多倫多峰會，睇法好壞參半。信奉自由放任政策（ laissez faire）的人就拍哂手掌，因為各國共同推遲了全球銀行徵稅方案的協議，又放棄了要在2012年之前加強銀行資本規定。另一派嘅就對峰會失望，認為未能解開各國分歧的死結。有啲國家想用多啲錢，有啲就想用少啲。
總統奧巴馬表示，可持續的復蘇必須考慮政府在財政上的責任，美國同意在短期經濟增長和中期財政政策可持續性之間尋求平衡，政府將制定目標到2013年把目前的財政赤字削減一半。大多數投資者都支持這種決定，但仍然有人懷疑它能否真正使得全球經濟更穩定。Summit Place Financial Advisors機構總裁Elizabeth Miller認為，G20會議傳出的消息受到了全世界的普遍讚賞，但有少數市場觀察家預計各國政府可能很快就會大幅削減國內開支，「美國投資者有些懷疑美國現任政府所作的承諾。」摩根大通是表現最差的道指成份股，跌2.3%；波音跌2.1%；美國鋁業(Alcoa)跌1.8%。
美國最高法院駁回了美國司法部提出的要求煙草公司上繳至多2800億美元利潤、並為禁煙計畫支付100億美元資金的上訴請求。煙草股受消息刺激，普遍攀升，其中Reynolds American收漲4%，Altria Group升3.3%，Lorillard漲2.5%。
美股上週回咗咁多，在低位牛皮，而家走到十字街頭，未知佢向上定向下，若能反彈向上，就維持到反彈上升軌，走勢利好。若未持唔住，小心佢再向下尋底。
網友Myself昨日問到一個做事的問題，佢話：「小弟朝朝返工搭地鐵，見到大部份返工既人，個個雙目無神，好唔願意返工，好似去打把，但又好無奈，因為要增加收入，陸sir你見既人多，想請教有冇人真係可以將工作變成娛樂，返工又賺到錢又happy架？ ^^"」
Myself，我講個親身經歷你聽，２０幾年前，我大學畢業後，揀咗份我自己鐘意但以大學生標準收入唔高的工作，以社會眼光向是相當辛苦回報不高的工作。有一日，做嘢時巧遇一個大學師弟，佢剛好去我做嘢的場合示威，我心諗乜你唔係畢業，做乜唔搵嘢做日光日白走去示威？但我呢句話無講出口，只是心中納悶，呢個師弟高大威猛，聰明靚仔，如果佢搵工，都可能搵到好好的工作喎。
大家都在等緊，師弟好好奇咁問我：「師兄呀，你份工要咁死等，等得多唔悶咩？點解你搵份咁樣的工作去做？」我當時都唔知可以點答佢，答佢為理想，讀嗰行想做吓嗰行，好似好老土；答佢為人工，又真係答唔出，因為我當時已經係碩士，呢份工的人工真係只有其他工一半。結果虛應幾句，剛好他的示威對象出來，他跑了去示威，大家人生的交叉點就此終結。
２０幾年無見呢個師弟，但從同學的同學口中得知，佢做份份工都唔長，做一兩年就閃，當中好大段時間去咗再讀書，估計佢係唔係幾鐘意做工嗰隻。還是那種感覺，覺得浪費了，以那個年代咁少大學生計，如果他踏實點去做，如今不難做到變打工皇帝啦。
Myself話「政府的目標係咩？增加就業？最好全民就業，而唔係幫你發達，政府同大有錢佬都唔需要我地識理財，只要大家乖，唔好亂，最好打一世工，點睇？」
小市民打工上位，理財致富，的確唔係政府的目標，唔好靠政府。政府一好境，就唔想接受挑戰，所以中國明朝和日本的德川幕府時代，開始決定閉關鎖國，就係只想安安定定，安享太平，唔想接受挑戰，當然閉關閉得耐就搞到自己廢哂，這是後話。
我講起那個有型靚仔師弟的例子，係有幾種總結。第一，人剛出來做嘢，最好搵自己有興趣的工去做，做3、5年已經知道自己在呢一行有無前途，若有前途，唔怕捱落去，可能會捱到一份又有興趣又有前途的工作。Myself問我「想請教有冇人真係可以將工作變成娛樂，返工又賺到錢又happy架？」我見過有啲人真係可以達到呢種狀態，但佢地份工一開始時不是一般人以為的「舒服好工」，好多是後生時比較辛苦的工作，捱到上去才成為一般人都認同有前途的工作，若是大學生個個都想做的好工，即使考到，工作時隔籬左右都係叻人，要跑出都唔係咁易，一份好工做10幾年都差唔多時，就成為你所講的「地鐵行屍」啦。
第二，三十過外，你在你個行有無前途都睇到七七八八啦，大部份人都唔會上到位，難免「雙目無神」，但有無諗過「我要保住呢份工」呢? 出少少力，做好現時的工作，都係一個目標，因為你唔想做，大把人想做。我十幾年前聽一個法國女子咁講，法國失業率十幾巴仙，佢做接待員，佢有一個最大優勢，就係每日都有幾十封信寫來自薦求職，佢就將申請做接待員的信全部掉哂，只將申請其他工作的信俾老闆睇。香港經濟漸入高原，再唔發展，恐怕過多十年，香港都有咁樣的一日。好多文職做咗十幾、二十年都加到2萬元以上人工，你走咗，老闆請個8000元新人就頂得順，世界係咁現實。
第三，若你年過三十又有志氣，覺得現職大材小用，當然可以轉工一博，但風險相當大，要輸得起才好做，有家室的人就唔好亂試。
第四，呢個欄講投資，做事無乜成就，投資可以好有成就，何不將投資當做你的第二春，人生要有追求，有目標，有追求，自然有活力，唔會雙目無神。搭地鐵攞份頭條日報睇吓陸羽仁個專欄，思考吓各行各業生意點做，留意吓乜嘢行業發咗達暫時唔係咁多人知，買吓佢啲股票，在投資中可以找到好多人生樂趣，你個腦用得多就會精明，人經常用腦，目光唔會呆滯。當你每日都諗住星期六日先至唔使做，可以消費玩樂，星期一要等5日，都好慘。若然你每日都只係諗住投資，唔使等星期六日，只係等機會，會快樂好多架。
陸羽仁
CCB,
而家大陸流行一句話:女人讀博士是因為醜, 男人讀博士是因為蠢.
陸羽仁覆網友
飛航:真正困擾環球大市的是經濟低增長。
CCB:短線和長線的看法有分別，長線看大陸股，還是看好。但短線睇，上證綜指破位後要再向下，可能要試到2300點的水平，所以現在買要吃一點眼前虧，就是我過去講的叻仔和蠢仔的問題，但想做長線投資者，有時要蠢蠢地，未必買到最好價位。
我講得誇張一點，美國經濟雙底衰退的風險在上升中，但如果危機浮現，美國、中國甚至歐洲都只能再救市，例如中國，誇張少少講，佢跌到2000點，但阿爺一覺得有危險時，可能一晚間推一個巨型放水救市方案，股市短期內炒起400、500點，所以長線投資者見跌得多買吓，唔好太關心短期表現，可能會好啲。
MonsterGary:寧為雞口，莫為牛後，讀教育文憑讀得好是雞口，在本地大學讀博士是牛後，做雞口可能搵錢多過做牛後。要讀博士，想在學術圈打滾，要去外國、特別是美國一流大學去讀，因為大學要求學者在外國一流學刊出文章，你不是那個圈子出來，不能在那些學刊出文，做學者無前途，甚至找不到教席，所以唔係一定讀博士就好。
對上一次問你 中國，美國和歐洲的前景。你分別給了 8分 5.5分和5分。而家我俾的分都係一樣，就係因為美國得5.5分，在合格邊沿，尚未確認她不合格(如果就業、樓市、消費再轉差就要調低)，所以股市唔值咁高。中國唔係咁差，而且一差阿爺可以放水，所以實質增長會有9%，仲係強。股市表現另計。
香港大約6.5，跟阿爺那部份好，出口到歐美略差，但自身無強勁賣點，主要食北風和水浸。
Myself:我估你唔係有「視網膜效應」，唔係因為你自己係「地鐵行屍」，就睇到好多地鐵行屍。有啲人好叻，平時似行屍，一有需要就變超人，我見過一個人見克林頓，即係做過美國總統嗰個，佢在鏡頭後好似死狗一樣，雙目無神，都唔知係唔係飲咗通宵，但電視機鏡頭一著，佢馬上變咗另一個人，神彩飛揚，我估地鐵中有些人，都有這種奇技。
當然，保住、做好自己份工，係第一要務。學好投資，係第二任務，但可以無窮用腦，有無窮樂趣。
牆頭草:以投資為全職工作好難，唔係人人得，比較中庸是繼續打工搵水，業餘學好投資。
Superkid:你的「屍化」過程的確令人憂慮，但人近40，選擇開始減少，你話自己份工超辛苦兼無乜前途，但你又唔想「學原本係同事既老婆出走大學行政界，既非吾之所長，復非吾之所欲。」首先要讚吓Superkid的文筆，但魚與熊掌難兼得，要想做舒服一點的工作，可能要忍受窒息一點的人事環境。要快點決定，過了40，再轉空間又細了。若決定不轉，就只能做好而家份工了。
元華:想抽農行，最好望個市差啲，佢定價低啲，長線就有一定空間，農行而家話明未來三年每年盈利增長30%以上，我諗佢頭一兩年 一定到，所以都有定博吓。
了塵願:第一拖拉機和阿媽一起上A股，係好消息，但A股市況低迷，剌激無以前咁大。
Luk Sir:
[[第一拖拉機（０００３８）發行公告稱，擬向中證監申請發行
最多１﹒５億股Ａ股，與控股股東中國一拖現有的４﹒４４億股內資股一併申請在上海交易所上
市。
公司擬將募資用於有關柴油機（綠色環保系列）升級改造項目、新型輪式拖拉機核心能力提升項目、生產大型高效農業機械及配套機具的項目，估計總投資額１９億元（人民幣．下同）。
此外，公司還公告稱，公司擬出售一拖建工機械１００％股權及一拖機械銷售１００％股權予中國一拖，總代價為２﹒５９８億元。同時，公司附屬公司一拖收穫機械擬出售資產予洛陽機械，總代價為２１７７﹒９萬元。]]
請問對 一拖38 是好不好 good news? Thanks.
袋鼠兄，
講真，小弟需要陸sir，多過陸sir需要小弟啦！
ccb:
所以我都覺得自己好彩，中五五科合格連中英文，然後入IVE讀自己鍾意讀既工程，再入U讀HD，然後搵番自己鍾意o果行做番，雖然頭三年真係得o果八九千蚊一個月(99-02年)，之後有幸轉o左呢份工，做o左八年，而家人工都比好多同行既同學仔為好，而且有時都會贏到客戶既掌聲，所以我都覺得自己係呢份工度搵到滿足感(雖然仍然係合約員工)。所以我好認同陸sir講法，讀書又好搵工又好，真係搵自己有興趣既先好。
陸 sir,
農行抽唔抽得過呀??定係入其它中資銀行股? thanks.
I think the government should fund post-doc positions within the civil service, and encourage the private sector to do so in terms of matching grants......just my two cents'.
陸老師︰
您好﹗從今早專欄所見，似乎現在還不是買入a50的時間吧？但大陸的巿已穿2400了，照老師及茶友的估計，往後還有鐵底麼？甚麼價位入a50較好呢，因我一直都有買開，我每逢內地股巿單日大跌那天都會買1000-2000股的，我的目標是長線儲貨，但昨天已買了，所以下一注才請教老師的。
希望老師指教。
Gary︰
您說得對，讀大學讀書讀得叻，然後諗碩、博士未必有著數，以中文系為例，若果一個人畢業以後出來讀一年教育文憑再教書，起薪點是25000左右，但若一個人畢業以後讀完碩、博士再教書，按政府的規矩，起薪點最多也只能是23000左右，但不要忘記，一個畢業生讀本科加文憑只要四年時間，但諗完本科加碩、博士卻要八年，相差了四年的搵銀時間，所以差距很大的。
本地院校的PhD收生太多，根本沒有這麼多教席的，現在還要講求國際化，向外招聘，更沒空間了，我認識一個讀PhD的人，他已三十一歲，卻到現在還沒有正職，只能兼職教書，或私人補習，暑假就完全沒有收入了，很淒涼，最可怕的是，他自己也看不到前景啊。
myself兄，你會「再以投資為第二春，多d睇陸sir blog」…… 你都埋幫陸sir hard-sell
大家都努力啦
飛行，我buy你套解釋
水兄，
你好in呀！打簡體字！
陸sir:
對上一次問你 中國，美國和歐洲的前景。你分別給了 8分 5.5分和5分。
現在會唔會再調低呢3個分數。如果再比多個分數港股伙又會比幾多分呢???
thx
各位咁好詩興啊！
HK根本就无HighTech产业，所以PhD无用武之地。以此弹丸之地的特例去推导全世界，全无意义。HK Gov应该深刻反省，有三所亚洲一流的PG大学，却在一面批评大学培养的PG对香港无用，一面苦恼发展不出金融地产之外的经济增长点，实在是愚不可及。
尋晚睇返本書，有個term叫「視網膜效應」，此效應話，你係咩人就會見到咩野，所以好大機會，其實小弟都係一條「地鐵行屍」，所以坐地鐵就只留意到佢地啦；相反，如果自己係有目標、有活力既人，坐地鐵就會留意到有目標、有活力既人啦。
睇來都係要出d力，先保住份工，再以投資為第二春，多d睇陸sir blog，比較適合自己。
講開讀Master 同 PhD，我想講o下我IVE同學既故事。話說當年我讀IVE Diploma (Engineering)o果陣，畢業有個同學仔拎全班第一，咁佢就入o左U讀Degree，跟住就因為成績好就做RS讀FT MPhil，然後再讀埋FT PhD，不過呢, PhD畢業後因為U入面無教席，結果就只可以出去做PT 教course，一般工程公司根本就唔敢請佢。過o左兩三年先有個師兄開o左間做研發既公司，咁先有份穩定既工咋。所以有時讀得太高學歷先出o黎做野都未必好。
當多數人以為港股在農行招股期間總會保持平穩, 炒一轉內銀股都未遲的預期中, 港股卻狠狠的大跌500多點。傳言滿天, 大多說是A股拖累, 甚至傳出是因為有國內大戶被斬倉云云。
A股拖累全球? 說笑罷，否則真的太夜郎自大了。但在昨天的開市間, 傳媒和財演們多用此作為論調。 觀乎高息貨幣, 歐洲, 美國都紛紛大跌, 而港股中下跌重傷的除內地金融股, 利豐, 思捷也下跌的十分顯著。
更合理 的解釋, 似乎是又有春江鴨知道美國的經濟數據將令人失望, 配合國內的消息, 預先在亞洲市做淡套現, 再有基金跟風以在半年結前減低損失, 由此形成一個全球性下跌。
世事如棋局局新
公主出嫁大市沉
人生如棋一局殘
畢竟輸贏下不完
得即高歌失即休,
多愁多恨亦悠悠;
功名本是無憑事
不及寒江日兩潮
早 噢!
昨天期指結算,本欄預測下跌,將下試20532突破後支持,結果期指於20427點結算,即月認沽期權合約20600由5點急升至173點,升34.6倍.有同學於7點買入.
美股昨晚急跌,最低跌326點,收市跌268點,今早恒指必然裂口低開,預測將補回11/6上升裂口19792-19729後回升.
港股昨日期指結算日，但恒指走勢就唔多靚仔啦，受內地A股勁挫拖累，港股一蹶不振，全日反覆急插，跌到阿媽都唔認得。
恒指上午已經唔見200幾點，到下午開市，沽盤潮水般湧現，成交急增，恒指最多勁挫536點，臨近收市係咁意彈番少少，收報20249點，大跌478點；本月期指收20427點，但過咗結算要睇下月期指，7月期指昨收20187點，大跌555點，低水61點，係近期首次轉炒低水，大市全日成交590億元，較昨日多30%。
表面睇港股跌市主要由A股帶動。上證綜指昨日大跌108點，跌幅達到4.3%，跌穿2500點重要關口，收報2427點，係14個月以來嘅新低。內地股市大跌後，歐洲股市早段亦受影響，跌2%，而日圓、美元亦升，風險貨幣回吐，昨日黃昏澳元兌美元跌1.6%，歐羅兌美元跌0.8%，全球金融市場捕風捉影齊齊郁。
內地維穩力量退場
內地和港股下跌，可能和農行招股退潮有關，正如我早前所講，近排香港的升市有的「假假哋」，遲早要見真章，只要農行上市的支持力一退，小心大市回潮。中環茶友話，農行內地招股配售已鎖定晒機構投資者，內地好多大基金就係官方，或者有官方背景，佢地定咗就唔會走；而香港機構投資者亦初步認咗頭，農行上市的大方向應該保咗底，除非外圍爆股災，否則唔會死，鎖定認購農行大戶之後，支持大市的力度就會減細。
跌6.5%、吉利（175） 
跌6%；另外家電股海爾電器（1169） 
跌10.6%，創維（751） 
在業績公佈前再挫9%；TCL多媒體（1070） 
挫9%；睇呢種跌法，估計不少基金見大市回，搶在半年結前走人，要錢唔要貨，唔想今日半年結前最後一日俾持股再跌影響業績。
內地分析員亦有類近睇法，西南證券高級分析師閆莉認為，昨天可以說是一個敏感時間點，就是農業銀行公佈上市詢價區間（2.52至2.68元人民幣），這個詢價區間定得合理，對後期發行上市不會形成太大的壓力。
早前內地期股指一直處於橫行階段，主要是金融保險類股份有人在護盤，在為農行上市而製造維穩局面，但實際上市場應該是向下走的。那麼詢價區間一經公佈，金融保險業就唔使再造勢，市場便回復繼續其原有運行方向。昨日午後的大跌並創出新低是對前期橫盤的突破，可以說市場選擇了向下運行，從回落時間和空間來說都仲未係好到位，因此後期還會繼續下探。
基金斬倉力保業績
中環茶友話，論短期走勢內地股市和港股都想向下，特別內地股市破了大位，農行集資又抽緊銀根，不利大市，想撈A股都唔使咁急，可以先忍一忍手。港股未來要回落到拉開和美股的差幅，還有向下空間，先要睇美股如何，但亦唔使急於搶住入市。
而家美國市場開始調低企業第3季的盈利預測，中國市場又講5月份全社會用電量增長20.8%，是年初以來的最低點，預示經濟增長放慢。小心「放慢」係7月向下炒作的主題。
昨日內地股以汽車股和家電股表現最弱，車股東風（489）
陸羽仁
哈哈, 看了今日的跌市, 對大户不得不說一個服字!! 悶了幾日, 滿以為因為農行上市, 雖然外圍不穩, 所以恆指應升不到亦跌不到直到結算or等農行上市為此... 誰知... 好嘢!!
依家反而陰謀d諗, 如果我係大户, 知道農行上市, 阿爺一定會托, 咁我應做d咩計劃才可以在短時間搵最大筆嘅快錢呢? 大户最緊要有對手... 如果農行難產(不過我諗機會都好細), 市場一定更恐慌...
(ps. 近來發現, 如果想知大户短時間內的動作, 牛熊証的比較量可以參考吓! 如上星期, 在20700有最大量的熊証, 結果大户在星期一抽上, 殺了那時最肥的熊... 所以, 熊量多時, 大户多數做升, 反之亦然)
噢!
巴拉圭今場打得唔好，攻不銳，防守都唔係好
myself,
Prof. King有樣係真，就係真正的學術研究，好多時都一個人由朝做到晚，又無人理解，又不肯定成功。但不努力，就一定唔成功。
New Henry,
同意呀, 同埋小弟腦海入面,對Phd既印象係來自己lecturer, 老實講認真麻麻, 可能我未見過真正既Phd啦, 見到電視劇入面個位 Doctor King, 就笑左出來 haha
大笨袋鼠, if study accounting.. career path would be very different.
But get a PHD on accounting is quite useless..
Accounting is quite good for job though.. get a position in BIG 4 or 5? in audit firm, work very hard for 2~3 years.. , get professional qualification, ... become a team leader...
if presentation skills are okay ... can become a financial controller in a medium company... salary pretty good..
someone I know at my age.. already become financial controller on director level ( try to chase them is impossible ... how to learn hard.. to earn $ in stock market ... is also a very tough road .. )
去咗旅行幾日無上網姐。。。個巿插成400點。。。點解次次戈旅行個巿都插。。。。今次見佢升，所以唔信邪無沽。。。。結果。。。。。
好邪呀。。。。
Ton Ton
myself,
碩士機會成本大，博士更加是...所以我都下決心努力，不要浪費時間和機會。
stockinvest，Accounting除了為咗預備教書，真係諗唔到有乜research可以做PhD。
New Henry,
咁又係, 一個master既機會成本唔少錢, 不過總好過使左去唔知邊度, 而且諗諗下, 你既master跟你一世, 除返開幾十年, 加埋通脹, 都抵既 haha~
我得個(爛鬼)degree, 不過今時今日連degree都冇仲慘.
myself,
if i not borrowed money in my master time, I think I can do the same as you....
岩岩返屋企,拆開封信, 原來係工行寄來既股息支票, 有我半個月糧,又心諗, 係草原悠閒地食下草都幾呀, 又唔使下下落鱷魚潭搏命呀......
stockinvest,
in HK, most of PhD. in fulltime are 3 yrs. PhD. is tough because you need to research something original and anew. PhD. is good only for who want to develop his career in academic field.
新亨記, yes.. doctor degree! ( this degree is even tougher.. hard to imagine 4 more years in university... to get this qualification ... )
You have a good qualification anyway.
( if there is a second chance.. I still don't think I would like to take master / doctor degree; but on the other hand.. may switch major to Economy / Accounting... from Engineeirng... that may make life more fun. )
stockinvest,
Master不勁呀，博士才是professional!
About Perpetual Bond, bank may not have sell it. ( standard chartered bank does not sell its perpetual bond.. in retail level. )
Some security firm can sell them. Below link for reference yield.
http://www.cpy.com.hk/CPY/bonds/pdf/bondsf.pdf
yield is not very good so far
紅油兄:"扮豬兄:本書係書局有賣嗎"
商務果d 好似冇, 要問下愉林, 田園果d 先,
好似有師兄都搵緊呢本書?
門徒,
he....he.....鬼叫我做到個個放晒工先得閒咩,不過我都就快閃啦!
你肯浦頭嗱,仲唔快啲閃,準備今晚睇波!
gigi:妳靚得濟...天口慶大家怕流鼻血...我估
嗚.....嗚........點解gigi一出現, 個個就閃呀!
gigi: 姐姐午安 阿爺大插破底 真係要番去研究下 暫時未知 要等其他師兄相告呢
bluepanda: 你閃我又閃 886
將軍, bluepanda, 重生兄, 小兵卒兄, 紅油炒手兄, 各位午安!!!
阿爺做咩肚瀉呀??? 唔係搞緊氣氛俾農仔上市嘅咩?!
明天要開會，千萬不要大插插呢．．否則我不能跟姐姐購物啦
886
bluepanda: 咁要睇個股底部形成時間 成交量 上升角度 不能一概而論. 噢....很久不見婆婆呢???
門Ｃ兄响度０架．．．．佢做CDROM咋．．．．
所以別講他壞話．．．
貓兄看世杯..及準備外遊....扮豬兄轉工晚上才上來....這幾天連門sir都不見....怪不得給大戶偷擊...