營運人生(23)
二十國集團(G20)峰會在上周五開幕前夕,市場氣氛趨於審慎。美國參衆兩院就金融改革法案達成一致,監管措施較早前寬鬆,投資者放低心頭大石,美國金融股造好,但政府調低了對第一季度經濟增長的預期,令投資者對經濟復甦前景擔心情緒升溫,消費類股受壓。
美股上週五小幅波動,三大指數個別發展,但變化唔大。杜指先跌後回穩,收市報10144點,微跌9點;標普500指數扭轉連續四日跌勢,收市升3點至1077點;納指漲6點,造2223點。總結全周,美股結束了連續兩周的升勢,而且跌幅明顯,杜指跌2.9%,標普500指數及納指齊挫3.7%。杜指期貨最新報10118點,比現貨低水26點。
港股美國預托證券靠穩。ADR港比指數收報20726點,比香港收市高36點或0.2%。匯控及中移動個別發展,匯控收報75.34元,比香港收市高4仙,中移動報78.83元,比香港將收市低0.2%。
美國國會就金融監管改革法案達成一致,掃除了金融行業的不確定性因素。投資者普遍認為通過的法案對銀行業沒有幫助,但亦沒有太大的損害。法案中有兩點是立法者不喜歡的,第一,係所謂的「沃爾克規則」(Volcker Rule) ,原意係禁止銀行自行投資高風險產品,但結果係銀行仍然可以投資對沖基金和私募基金。另一個係由參議員Blanche Lincoln提出,禁止銀行參與金融衍生工具產品,這亦是華爾街最不願見的,因為衍生工具產品係最賺錢的業務。結果係,銀行仍然容許參與利率、信貸和金銀方面的衍生工具業務。換一句話說,銀行可以對沖自己的風險,不過銀行唔係對沖的話,就要設立獨立的機構去從事這些較高風險的衍生工具業務。
美國總統奧巴馬表示,這個法案已包括了他提議的內容的九成。不過,最令在野共和黨人不滿的是法案並沒有涉及改革兩房(Fannie Mai及Freddie Mae)的任何措施。路透社則表示,法案的贏家係消費者,因為新法案一定程度提高了對高風險投資的保障。
美國政府發布的數據顯示,第一季度經濟的增長率低於早先的預期,這主要與企業和消費者開支的預期值下調有關。商務部發布的最終版GDP報告顯示,第一季度國內生産總值(GDP)的年度化較去年增長率為2.7%,低於上個月發布的3%。調低後的增長依然表明美國經濟已連續三個季度增長,經濟正在穩步走出1930年代以來最嚴重的衰退。但是,近來的一些數據表明,第二季度經濟的復甦力度似乎在下降中,居高不下的失業率限制了消費者開支,住房的建築和購買活動都出現回調。美國經濟復甦唔係咁夠力水,住後季度的去年基數在增高中,要睇美國經濟係唔係可以保持增長勢頭。
網友小潘引述一個報章理財個案,話一個月入1萬餘的銷售員,之前亂使錢,而家身家2.5萬元,尚欠9000元分期購物咭數,現已控制開支,希望9年後結婚,想買間樓350萬元。小潘的問題是呢個仁兄咁少錢都想買樓,他係唔係太保守。
好多人會覺得銷售員先生出現一個計數問題,要買350萬元的樓,單計三成首期已經要105萬,加埋使費起碼要110萬,佢這種收入這種儲蓄方式,9年後無乜機會達到呢個目標。
我就覺得唔止係計數問題,係理財問題。香港中小學無教理財,大學無教理財,社會只教人消費,唔好怪後生仔係「月光族」,呢一族人勢力龐大,理直氣壯,君不見開G20峰會的主要爭議係各國應唔應該節約開支,欠億13萬億的美國總統奧巴馬大力叫各國唔好節約開支住,以保持經濟增長。你美國不斷印銀紙暫時仲有人信,唔等如其他國家可以咁做,美國這個全球最強國家鼓吹「先使未來錢」的消費文化,世界各地有咁多月光族,又有乜出奇。
我覺得銷售員先生唔使計數啦,佢而家條數差太遠,莫講話350萬元的樓,150萬的樓也未必買得起,買咗亦未必供得起,因為結完婚生埋仔開支好大,供得仔嚟供唔到樓。佢最需要的端正營運自己人生的概念,從增收節支開始,每月賺1萬幾元太少啦,我唔係叫佢罷工叫老細加人工,而係叫佢力爭上游,做個top sales先至講,每月搵1萬幾,同每月搵3萬幾,差好遠啦,同老細扭計無用,要提升自己的戰鬥力,博命啲,才可以升職加薪。每個銷售團隊都有一兩個人可以跑出來,就要做跑出來呢一兩個。增加收入重要過一切。
另外,當然係節約開支合理投資,後生仔最好唔用信用咭,如果有扣數咭,有錢至可以用,咁就最好啦,銷售員先生欠咭數9000元,佢話有2.5萬元儲蓄,我就唔明佢為什麼不馬上還清咭數 ,而係仲去俾10幾厘息的咭數。控制開支之餘,仲要不斷發狂儲錢,投資在有增長的大股上,9年唔係短時間,投入的時間合理,本金可以翻一兩翻。咁樣條數變成佢9年內會唔會累積儲到30、40萬本金,再透過投資變成過100萬以上,投資時,唔輸、少輸係重要關鍵。增收節支,儲錢投資,呢8個字,真係學一世都未學得完。
陸羽仁
子龍,謝謝
Bdroom
陸sir,最近你行文語氣有d口花花wor~
有好事發生了~?!
陸 sir & Fatboy,
In US, there is a iShares Silver ETF code name SLV.
陸羽仁覆網友
Hero:煤股同內房股唔同,內房股條數好難估,煤股較易估,無得加價,大約估吓成本,大大約約估到賺幾多錢,所以會較快沉降到合理水平,所謂「無運行」,係話佢跌完無乜升幅,因為沒有加價的想像空間。
Fatboy:銀價的方向大致上跟金同一方向,但銀碼細啲,炒味更濃,波幅更大。唔覺得有白銀ETF,唔知其他網友有無提供。
Bdroom:買車如用公司,計法好唔同,首先車價可以折舊,無記錯第一年都有40、50%,另外所有開支牌費、燕梳、油錢都會計入公司,形成所有嘢都可以扣稅,問題是你間係乜公司,有無收入,如果你打自己工,例如做保險經紀,收入放在公司內,而架車亦大條道理係生財工具,咁就產生大筆扣稅額,有著數。如果你無有收入要交稅的公司,就唔知你搞來做乜。
三心兩意:上海銀行、以至香港銀行拆息抽高,和農行招股有關,外資若不想調錢入來認購冒匯價風險,有信用者可以借錢認購,就會令拆息抽高。內地新股一定升,更引來大量高槓桿借錢認購。
領航: 好同意你問「其實上一代許多都是這樣過來的, 從山腳漸漸搬上山頂, 為何這一代不能夠呢?」亦好同意話書報唔使買,去圖書館睇就得,但係有一本書叫「鱷口偷金」,最好唔好借,要買,因為要支持吓個作者。
Kathleen:呢個係marketing的世界,有時真係要hard sell吓。
陸羽仁 29/6/2010 10:45:38 網友在此的回應
陸羽仁覆網友
領航: 好同意你問「其實上一代許多都是這樣過來的, 從山腳漸漸搬上山頂, 為何這一代不能夠呢?」亦好同意話書報唔使買,去圖書館睇就得,但係有一本書叫「鱷口偷金」,最好唔好借,要買,因為要支持纒個作者。
Kathleen:呢個係marketing的世界,有時真係要hard sell纒。
我識唯一一個打工快樂既朋友, 係3-4年前係間公司度學做 LED. 佢當時幫老細打工, 打工時好叻咁推測到呢個會係未來潮流. 佢一邊打工一邊學野, 今日已經自己出來做老細. 唔好話而家, 3-4年前佢打工已經好快樂, 日日都想返工, 返大陸做野永冇拓手踭
陸羽仁覆網友
Hero:煤股同內房股唔同,內房股條數好難估,煤股較易估,無得加價,大約估吓成本,大大約約估到賺幾多錢,所以會較快沉降到合理水平,所謂「無運行」,係話佢跌完無乜升幅,因為沒有加價的想像空間。
Fatboy:銀價的方向大致上跟金同一方向,但銀碼細啲,炒味更濃,波幅更大。唔覺得有白銀ETF,唔知其他網友有無提供。
Bdroom:買車如用公司,計法好唔同,首先車價可以折舊,無記錯第一年都有40、50%,另外所有開支牌費、燕梳、油錢都會計入公司,形成所有嘢都可以扣稅,問題是你間係乜公司,有無收入,如果你打自己工,例如做保險經紀,收入放在公司內,而架車亦大條道理係生財工具,咁就產生大筆扣稅額,有著數。如果你無有收入要交稅的公司,就唔知你搞來做乜。
三心兩意:上海銀行、以至香港銀行拆息抽高,和農行招股有關,外資若不想調錢入來認購冒匯價風險,有信用者可以借錢認購,就會令拆息抽高。內地新股一定升,更引來大量高槓桿借錢認購。
領航: 好同意你問「其實上一代許多都是這樣過來的, 從山腳漸漸搬上山頂, 為何這一代不能夠呢?」亦好同意話書報唔使買,去圖書館睇就得,但係有一本書叫「鱷口偷金」,最好唔好借,要買,因為要支持吓個作者。
Kathleen:呢個係marketing的世界,有時真係要hard sell吓。
陸sir:好少見您咁hard sell 噢…
不過,如果尋到寶,又真係一件開心事!
//搭地鐵攞份頭條日報睇吓陸羽仁個專欄,思考吓各行各業生意點做,留意吓乜嘢行業發咗達暫時唔係咁多人知,買吓佢啲股票,在投資中可以找到好多人生樂趣,……//
陸sir:
你話今年煤股冇運行...那你覺得會唔會好似內房咁跌得咁利害???
thx
陸 sir,
你對銀的長線走勢有什麼睇法???會不會像金一樣,在一個長期升勢中???
在香港有沒有相關的etf可買??
謝謝
fat
買車用公司可以計提折舊, 當然要你本身有公司就著數少少 其他就好似分別不大 牌費 保險都係跟車 保險就睇你有否NCB 牌費就睇你係乜車咁囉.
大師 ..........
陸 sir,
若想買車,應該用個人名義買定用公司名義買會so啲呢?
謝
Bdroom
bluepanda:
當然有啦噢!
大師: 世間有直教生死相許的愛情嗎?
又是晴朗的一天
http://www.youtube.com/watch?v=oiKPEOjKciY
問世間情是何物?
扮豬兄:本書係書局有賣嗎
噢!
陸老師早晨,
請問老師知不知上海銀行一個月拆息不斷上升的原因?
在此先謝
三心兩意
紅油兄: 睇埋我介紹本書, 你就會有新既體會
扮豬兄: 謝謝推介
我都發覺到呢個問題
從圖表上看,暫找不出05~06連串損失的徵結所在
但我之前試過,若把止蝕位縮窄一點,成績就可以大幅改善
仍在努力中
半年結在即,即月期指今日結算,但港股昨日仍然得個悶字,成交縮番到450億,中午打電話俾經紀張,佢把聲直情好似瞓咗咁,因為講嘢講得少把聲唔開。經紀張話,恒指表面睇反彈得唔錯,但個市都唔見有錢在炒,三四線股仔全部唔郁,散戶唔潛水就怪。
地產代理新盤難做
中環茶友話,常言話悶聲發大財,但如今大市雖然在近期高位牛皮,但活動甚少,悶就夠悶,但邊個能夠發大財?好似無噃,遲啲農行(1288) 上市,散戶都未必有好大反應。呢個市能夠發財的只是沽期權者,即係窩輪發行商,大市係咁頂住,跌唔到,又升唔起,散戶連輪都唔敢炒,呢排「縮窩」(波幅收窄令價格下跌)都輸死人啦。
昨日唯一有啲景的係地產股,地產市場似乎在慢慢消化政府「九招十二式」的影響,信和置業(083) 牽頭發展的奧運站樓盤帝峰‧皇殿開賣,事前話代理收得好少票,點知開賣就去清,上周末不足3個半小時沽清231伙,下一批單位最快明天推出。新樓去到貨提升了地產股人氣,信置漲2.2%,至14.68港元。
帝峰‧皇殿去到貨,有不少買家唔係由代理帶入場,而係自己上門,顯示政府「九招十二式」要發展商事先公佈價單,對過去新樓開售全部由地產代理帶客上門的模式,有好大衝擊,未來發展商買樓方法會慢慢變,唔再靠咁多代理,行番舊制由發展商直銷都得。無怪乎美聯(1200) 大老闆黃建業早前趁住股價上升,大手減持8.2%,令自己持股跌到5%咁少,美聯變成一間公眾持有的公司。呢啲咁大變化,都可算係地產代理業的範式轉移啦。
講起範式轉移,內地電訊業都有啲咁味道,巨無霸中移動(941) 陷入低增長、甚至盈利倒退的境地中,相反對手聯通(762) 就受追捧。聯通近幾個月來3G上客量高過中移動,聯通5月份上客量超過100萬,比市場預期到此目標的日子更早,佢又正洽談在中國引入iPhone4和iPad,更加好炒。不過聯通現價已經唔平,據湯森路透的綜合證券界盈利估計,聯通現價相當於本年度市盈率38倍,2011年度市盈率27倍。
競爭加大移動難捱
表面睇聯通太貴,佢要有優於市場預期的盈利增長,才可以令高價逐步合理化,聯通貴,唔代表中移動抵買,而家證券界估佢未來盈利還有少少增長,萬一佢盈利開始倒退,仲有得跌,小心中移動這一隻過去曾是高增長的好股,慢慢會跌入一個低增長的劣勢中。中央政策要拉低電訊業收費,所以引入愈來愈多的競爭,呢個大方向,對本來是電訊業老大哥的中移動相當不利。
國策絕對可左右中資股。發改委要求穩定煤價,下令煤企履行今年合同價。美銀美林預期國有煤企將帶頭穩定煤炭市場,意味着價格上漲受限制,佢將兗煤(1171) 評級降至「中性」,目標價下調至17元,同時將神華(1088) 及中煤(1898) 目標價分別降至45元及16.5元,評級維持「買入」。市場早前憧憬煤價上升的希望,頓時落空,煤炭股全線捱沽。兗煤勁插逾7%;中煤亦挫逾6%,神華跌近3%,煤股今年都好難炒也。
陸羽仁
轉貼 (搞笑)
大陸股市 原來如此…
大陸證監會已經承認,大陸證券交易所當初選址時沒有看好風水,選錯了地方… 怎麼能設在上海(傷害)和深圳(深震)呢?
目前,有關部門正在研究,並很有可能選擇天津(添金)和廈門(瞎蒙),意圖徹底改變中國股市風雲激蕩和股民痛苦不堪的現狀。現在終於找到股市萎靡不振的原因了!
七年前上證2568點,七年後上證也是2568點,七年上升幅度為零!證監會主席名副其實:上幅零(尚福林),廣大股民 強烈要求,下一屆證監會主席由張萬典 ( 萬點) 擔任!
a兄: 齊頭數係俾大鱷食人架, 做老鼠既都係避開好d
藍妹: "bbwind兄:如果你有車牌, 都可以做兼職0架....."
車牌我有, 可以有咩兼職做?
陣間巴西vs熱血智利,應該無悶場
bro stephen, 鼠鼠: 謝謝~ 加了少許, 但相對買樓還很遠很遠呢
我用電話睇, 雖然打格仔, 但係都叫做睇到喇
last, thx, 明天再試.
今晚tvu又斷, 睇atdhe疾到眼花. 好在荷蘭贏.
李娜 溫布頓入八強 zzzzzzz.
紅油兄: 你有冇發覺你個系統05, 06 年係一直蝕架? 07 年開始先賺, 你留意下07年開始係咩市況? 睇黎你個系統只適合果種市況
仲有, 你計一05,06年你蝕幾多? 你忍唔忍受咁多繼續FOLLOW你個系統?
最後, 介紹一本書俾你睇
http://www.books.com.tw/exep/prod/booksfile.php?item=0010463865
Minimise daily expenditure, zeroise luxury expenditure for cash deposit
最緊要自己有一定家財,人生才有選擇
Earn money from a job is much much easier than earn money through investment/speculation on stocks & properties
炒股都係打個和,主要都係儲錢儲番黎,拉勻,又係差不多得個吉
如果兩公婆經常搵朝唔得晚,家無恒產,在自己朋輩中相對貧窮,嗰種感覺絕對會破壞男女關係。
(up date) 各位有緣人,再試一試之下, 個網頁係OK架,等一下就會順架喇,佢要PRE-BUFFER架。睇廣東台有廣東話,評述仲好過有線。
草兄,
左面有得選架,你選「廣東體育」啦,有廣東話評述呀。(頭先試過好似唔WORK,但我尋日都係用呢個睇咋,或者遲少少再試下。)
另外,UUSEE係有方法睇架,你上網SEARCH「體育台補丁」,應該有HINTS俾你架喇。
TVU連用都用唔到
鼠,
大英隊球員身價加理多德國隊可能有十倍, 見訪問英國佬話佢地無 incentive 為國搏命 .... 我又唔覺, 見泰利飛頭果下都好搏, 我想都係 球隊賽事太多, 太小時間集訓練隊型, 教練又指唔郁大球會.
stockinvest : thx.
陸SIR說得對。許多投資書都說過, 還清信用卡是最好的投資, 因你即時節省了利息。要有錢投資, 先要節省, 無需要追新款電話, 名牌手袋, 電子產品.... 甚至報紙,投資書都可以在圖書館借, 善用資源兼環保, 又慳錢。
last,
有緣看到呵, 但甚麼"選廣東睇肉", 只見 tv5 李冰冰 好靚靚 ?? 但好疾.
哈哈,英國又想炒領隊… 而國際足恊真係縮頭烏龜
但平心而論,德國運氣好都要有本事把握。呢邊評論除了鬧足恊有科技唔用,話噚晚場波計表現都係英國輸波,差在唔應該輸得咁核突。用得意大利教練,就係想學英國波傳統以外嘅打法,但似乎都係未能走出框框。
名仔, try other links inside http://www.51zhibo.com/ if CCTV5 offical link not working.
飛哥加人工,又多層樓供?恭喜恭喜
陸SIR提到的case發生在許多人身上。許多人卡數累累, 還枉談投資, 買樓。單是還清卡數, 已是穩賺不賠的投資了。如何還清卡數? 先要減低消費, 手機無需追新款, 手袋無需要品牌, 拍拖無需去高級餐廳, 睇投資雜誌書籍亦無需買(去圖書館大把)。有多少人可做到?
Evening Brother fly: ^^
升職加薪, 仲有12%咁多添?
Wow!
Congratulation!
造福世人,試試以下LINK (有緣既你會睇到條LINK,記得選廣東睇肉,有何輝講點都好過有線班rubbish)
http://www.qq2o.com/bbs/plugin.php?id=tv:tv
stockinvest : i tried the link, ku6.com can't play in your own region.
牆頭草 (一切隨風), try below link for football:
http://2010.ku6.com/live/