旅業亞珍 8

旅行其中一大項目, 就是購物ｏ 如果買的是食物, 返來仲有餐食ｏ 但如果是觀光點精品店的所謂精品, 好多時買返泥就得物無所用, 成了棄之可惜, 留之無用的垃圾ｏ

例如風景鎖鑰扣呀 , 風景點水杯, 茶碟, 小盒, 明信片, 古古怪怪各類磁石牌, 總之大家去扯旗山頂精品店見倒果D, 就是！除了點景不同, 而原產地, 可能都是MADE IN CHINA也ｏ 你話係咪老襯？ 你咪話你屋企冇呢D嘢, 你唔買, 都有D儍瓜送俾你, 唔要唔得！

仲有D藝術品, 石刻, 漆宝燒, 國畫, 油畫, 諸如此類ｏ屋企根本冇地方展出, 好日都唔會攞出泥睇吓, 阻地方, 又唔掉得！唉！所以成屋都係旅遊垃圾囉, 你話惨唔惨ｏ

如果鍾意收藏石灣公仔, 整套水滸一百零八條好漢, 就認真攞命！我屋企D瓷器真係多到可以開番間瓷器鋪也, D杯杯碟碟花罇, 真係多到眼寃也ｏ

近年旅行己不再購物, 就算買, 都買D食得嘅, 咁就冇咁煩矣！