快樂的賣生果婆婆

黄SIR以往在北角, 附近街市有一對夫婦買生果, 男的經常玩失蹤, 只剩下一個婆婆力撐大局ｏ但賣生果婆婆卻十分樂天知命, 從未見佢埋怨過, 個老公經常走鬼咗去玩（有D似 黃SIR）, 佢都冇理佢, 只要佢七時零點能趕回幫手收檔, 就放佢一馬！

有D街坊睇唔過眼, 話佢老公乜都唔做, 要婆婆罰吓佢（正八婆！）ｏ 婆婆笑笑口, 話算啦, 都忍佐佢幾十年囉, 仲有幾多日子忍吖！

賣生果婆婆仲有一高招, 就係一到七點零, 就將D生果大平賣, 賺頭鉁尾, 襯個衰佬係度幫手, 全部清貨！很快兩公婆就可以返屋企歎世界ｏ

在佢隔離有對中年夫婦, 又係同樣賣生果, 但日日两人在檔口吵吵鬧鬧ｏ無端端都會嗌交, 你幫襯佢, 佢例牌揀都揀一两個爛溉俾你, 買親橙就問你係自己食定送俾人食, 有次我試吓話送俾人, 番屋企試吓, 酸都亞媽都唔認得, 可見呢對生果夫婦幾死奸！

不過天係會懲罰呢D衰人, 我見快樂婆婆七點零已快快樂樂回家, 呢對活宝就要做到凌晨十二點, 仲賣剩好多生果！你話衰唔衰吖？

在現實生活, 此两種人都經常見, 選擇似乎一字咁淺, 都唔知點解都有人會揀錯嘅泥做！

認真費解也！