快樂的金毛強
2010/07/26 00:11:26
網誌分類:
寫作
黄SIR在家附近的茶餐廳, 叫了一杯熱朱古力, 一件油占多, 嘆其下午茶, 通常對此類食物都冇乜期望o
但當油占多送上來的時候, 黃SIR發覺两片麵包切得厚度適中, 而烘得恰到好處, 金黄色又靚又均勻, D油占在麵包边看得出, 很用心的揸上去, 是一件很有心機的傑作!
看看水吧的小子, 是一個全頭染了金毛的金毛强(都唔知點解金色髮仔一定要叫亞強!)又睇唔出佢會咁用心製作呢件油占多俾客人食噃!
應該是他很喜歡他的工作, 才會咁認真去做, 因為通常此類工作, 大家都冇乜要求, 求求其其, 是是旦旦, 亂咁做都得!但佢卻樂在其中!好用心去製作!佢勢估唔到有黄sir呢類細心人去欣賞佢!
只有一個開心快樂的人, 敬業樂業, 很喜歡自己的工作的人, 先會咁樂意去做d人人以為悶到無倫的工作也o
所以黃SIR肯定佢係一個快樂的金毛強!
回應
(0)
我要發表