天生快活人 4

人生不如意事, 十常八九, 如果冇番两三度板斧, 真係日日都會坐困愁城ｏ

做人能永遠LOOK AT THE BRIGHT SIDE（往好處來看！）似乎就係其中解決辦法之一ｏ

成語有云:  塞翁失馬, 焉知非福, 塞翁得馬, 焉知非禍, 大家聽過未？

這位塞翁先生, 都唔知佢姓塞, 還是住係塞外, （黃SIR讀書, 只觀大畧, 不求甚解, 有時甚至曲解添, 所以就同人地不一樣了ｏ）

翁自然就係亞伯泥嘞！亞伯佢無啦啦唔鬼見佐隻馬, 似乎就好鬼唔好彩, 誰知呢隻馬原來走鬼咗去溝女, 仲帶埋隻雌馬返泥, 又有埋馬BB添, 鬼咁好彩ｏ（即係失一得三, 仲唔有福？）

但誰知呢隻雌馬原來係隻臭馬, 好大脾氣, 蘇完馬BB, 就患咗產後抑鬱症ｏ

塞翁先生的兒子去訓練佢跑英女皇杯, 就俾佢一嘢, 摔落泥跌跛咗, 斷了一腳, 成了傷健一族, 人人都話呢家人真唔好彩, 整單咁杰嘅嘢ｏ

但誰知時局一变, 國家要徵兵打伊拉克, 跛佬唔及格, 同鄉D人, 去親冇個返得番泥, 到此,  D人先知塞翁先生真係有福了ｏ

呢個就係, 塞翁失馬, 焉知非福？ 塞翁得馬, 焉知非禍？ 的故事了ｏ

所以做人駛乜成日計鬼住吖？用盡心計, 都不如猤計也！

人生有得 有失, 是福是禍？

平常心啦！