8月5日

　　大市非常強，多隻重磅股票陸續公佈中期業績，帶動恆指好強，即使外圍下跌都唔影響大市，主流一線及二線股皆上升，國內內房，內銀不知不覺已經走上正軌，多隻股票都強勢漸現，可惜小弟儲緊錢去旅行，乜都冇做過。

　　經濟層面暫時好穩定，市民信心其實現階段好脆弱，但可能正正係脆弱，大市先反而更強，過往幾個月成交低迷，相信冇咩朋友敢入市，反而可能係一個冷靜期，波幅式上落磨滅股民意志，但睇番大環境，其實陸續有加薪等，應該情況並未會急轉直下，仍可放心做投資投機。

　　小弟既組合裡以ｓｏｈｏ最勁，小弟會繼續持有，其他股好似中鋁等暫時仍等機會待變，不過小弟對現時情況都未有意慾，但再稍為有些少回調，不妨一試。