東周列國志 之 齊桓的教訓 2

齊桓公初次見管仲, 問管仲: 自已好色同好貨（即衰咸濕, 同衰貪錢！一般男人的通病！）會不會有防碍自已幹一番霸業呢？

管仲答得潚洒！（都好識撈！）………….無妨！

…….只是不識用賢人（即佢閣下啦！）, 就大有妨碍了！

…….用了賢人, 又唔信任！又是大有妨碍了！

…….信了賢人, 又聽旁人閒言閒語！阻碍賢人辦事, 亦是大有妨碍了！

（其實即係叫老細, 信晒佢, 唔好俾其他人煩佢, 就乜都掂晒矣！）

桓公同管仲傾了三日三夜！明白晒佢嘅主張！立即信晒佢！跟足佢指示辨事！（肯聽人講, 又聽得明嘅人, 又肯信任人, 真係好少嫁！）

從此桓公日日同d 傍友, 易牙（厨藝一流）, 豎刁, 公子開方（自宮做傍友！）開派對, 大跳社交舞同唱粵曲, 炒吓股, 賭吓馬！等管仲同班賢臣做嘢！

終於成了霸主！

呢個故事就係教導我地, 做老細要慧眼識用人, 又要識放權, 又要能駕馭部下！才可以做個成功的老細也！

直至管仲瓜之前, 方指出桓公佢近身三人是大奸臣, 只不過有佢管仲在, 佢地不敢作惡而已, 叫桓公罷免此三人！

可惜桓公罷免了此三人後, 食不知味, 口無謔言！冇晒人生樂趣！（不奈寂寞, 冇得玩的日子！）

結果再起用三條傍友！最後搞到忠臣離去！眾公子爭位！小白被困於宮內, 夾硬餓鬼死佐！你話惨唔慘！

人生究竟為セ呢？吓？

成功之後, 是否就是失敗呢？吓？