9月8日 從上海旅遊回來
係上海遊完世博後，返黎真係累到好快訓著，總結整個行程，其實都幾好既。
先從香港出發到步，第一時間就去左地鐵買上海既交通卡，不過係溝通上佢地有部份人講本地話，其實都唔係幾聽得明，唯有指手劃腳，浦東國際機場好大，係等入閘區就好似去左香港咁，不過明顯氣氛係冇香港咁好。
之後乘地鐵去酒店，我入住既一間上海好似體育館咁既，上海大部份酒店都需要比按金，去旅行社或ｂｏｏｋ酒店前真係要問清楚，唔係既話就好易ｈｏｌｄ左ｄ錢。
上海既天氣好靚，唯獨外灘既臭味相信係同胞既便溺所做成，建築好有古舊，以當年上海俾外國劃分後，特色既建築依舊保留。上海既治安亦都好安全，周圍都有警察同城管同交通警，不過盡量都唔好太夜出街。
上海既野食幾平，大約係香港既一半，特別係包子，外灘區某幾間１蚊一個包大大個，好好味架！至於入世博方面，其實真係難怪咁少外國遊客，真係完全俾國內同胞包實晒，而且佢地ｄ行為真係．．．．失禮，總結世博會係真係需要俾人慢慢睇，但明顯中國同國內同胞就令到世博會好失色，要求人龍行快ｄ，想慢慢睇下館，欣賞下講乜都唔得，跟手國內同胞係咁影下相咩都唔睇就一枝箭走去吸印仔。
今次旅程都睇左好幾個館，但中國館就睇唔到啦，有觀賞意大利，德國等，德國既聲控球其實唔係真係跟聲走，只係有人係度操控個波，不過佢介紹佢德國本土都有意思，Ｅ區既主題館其實係好有意思，大家都應該睇下同思考未來的發展，意大利好想展現佢國內既藝術，不過由於內地同胞係咁迫住行，想睇耐Ｄ都不能．．．
今次乘搭既飛機係東航返黎係坐上海航空，返黎既時侯係機上睇見廈門一帶行雷閃電，其實當時心情都幾驚！
總括黎講，上海咩都比香港優勝，唯獨就係人民既素質比香港差，相信國內同胞都冇咁快改到，不過未必係指上海人，因為真係乜野省份既人都有。
另外，上海既飲食都幾多油同埋上海都真係幾多美女。
