一年容易又中秋 5

黄sir想起了中秋, 就想起晉成街！

黄sir 小時住在石塘咀晉成街, 在附近有两閒酒家, 一間是金陵酒家, 一間是廣州酒家, 據講戰前是有歌伶唱歌陪酒的, 客人用花箋召歌伶去献唱, 但我無緣一睹盛事, 只能聽D大人吹水時講起而已ｏ两間酒家差不多晚晚都有炮仗放！十分熱鬧！中秋時, 外牆有一大牌樓有活動公仔睇！

晉成街附近有兩家戲院, 一家是太平戲院, 一家是金陵戲院, 太平戲院有時做大戲, 是我小時經常出入的地方, 尤其是公餘塲（五點半塲）專做西片, 我的英語就在那是打好了基礎, 好似而家仲有D尊榮的牛仔音尾ｏ

有一輪我專睇中聯出品的電影, 即吳楚帆, 張活游, 張瑛, 白燕, 黄曼梨, 黄楚山等等的電影ｏ 計有激流三部曲之家, 春, 秋, 危樓春曉之類ｏ搞到黄sir而家D道德倫理觀念, 都有D似吴楚帆, 成鬼日叫人唔好食碗面, 就反碗底, 對我日後的待人接物影響極大！

中秋節晉成街就十分熱鬧, 一眾街童帶備燈籠四圍行！超伯當年竟識製作兔仔燈籠！真利害！