一年容易又中秋 7

月到中秋分外圓！又有人話, 懷人常對月華圓！似乎一近中秋, 頗多舊事就會湧上心頭！

奇怪的是, 黄sir記憶中, 晋成街就成了一主要的塲景！

晉成街的人與事, 往往纒繞在黃sir心頭！可能是每個人對自已成長的地方也有類似的感情吧！

在電影歲月神偷中, 其中一個賣點, 就是很多舊日的事物！

例如以往用來裝嘢的鷄皮紙手抽而家都冇人用啦！

以往去街市買嘢, 是用咸水草的, 而家都有少用了！

記得以往在街上執到舊鉄都可以去賣錢換零食！有次黄sir同二哥執倒舊銅！真發達咯！還記得去賣時, 二哥𥄫住人地把秤！睇實d斤両！

事後我問佢, 乜你識睇秤咩？

佢話: 唔識嫁！（吹漲黃sir！）

以往去海邊掘蚌, 返屋企用咸酸菜炒又有一味餸！

釣倒立魚, 石狗公又可以蒸！甚至泥猛也可以煲粥食！正！

真係揾餐食易過借火也！

連雲吞皮煲糖水（食過未呀？）也好好食！豬油撈飯都唔知幾和味！

一支麥笌糖加两塊梳打餅！就係當年黄sir美味的零食了！

過去的舊日子真好！