生活的智慧 3

弄虛是一種智慧！唔知大家知唔知呢？

通常弄虛是負面的, 弄虛就有可能作假, 假的事物又怎可能是正面呢？

所以黄sir在此教人弄虛作假, 是一件十分危險的事ｏ（要好高智慧才會睇得明也！要好有智慧才可以學！）

看看聖賢之書（在下差不多已經全部讀過晒 及 消化晒！信不信由你！）教人務實, 腳踏實地, 老老實實, 笨笨實實 的 居多ｏ正如一本論語都冇幾句, 教人弄虛作假也ｏ

教人務虛, 虛虛浮浮, 虛虛偽偽, 虛無飄渺, 虛則實之, 又實則虛之, 真是古往今來, .絕無一例（如果有人知, 請関照一聲ｏ）在下正準備申請, 黄sir個人專利發明也ｏ

曾經有一本, 叫做孫子兵法的書, 提出了, 虛則實之, 又實則虛之, 又話兵不厭詐, （詐即呃人！呃人都係正常行為, 因為打仗也ｏ）此乃在戰爭中才可以咁做也！正常情形, 唔係打仗, 就唔可以呃人！

但以下情况就可以考慮弄虛！

譬如閣下正正經經同人講D大道理 （比如叫佢做好人, 孝順父母, 勤力讀書, 安份守己 勤力工作！）相信冇乜人會聽你支笛, 仲話你條友…….老生常談！

但如果閣下弄虛作假, 故作神秘, 故弄玄虛, 玄之又玄, 用測字又好, 占算又好,命相又好, 甚至乎摸骨都得！

將D正面訊息話俾佢知,  嚇佢又好, 呃佢又好, 總之唔做好人, 就會有災難, 唔孝順父母就俾雷劈, 死未！咁佢就會信到十足, 依足黃sir師傅的教導, 自然就一帆風順, 幸福愉快啦！

所以高智慧的人（黄SIR之流！）弄虛, 是可以益人, 教人的ｏ

而世人只見, 有壞人弄虛作假呃人, 才會以為弄虛作假是不可接受的行為吧了！明末？