生活的智慧 14

“挾泰山以超北海” 這句話的意思是, 係實在冇能力去做, 而唔係唔想做, 叫人挾住成個泰山在腋下, 去跳越北海, 是不能也, 非不為也！（此語出自孟子！）

人有時吹水, 往往就會妄顧了別人的客觀條件ｏ 例如去要求業餘的唱口要有職業水準！要求人唱得好過任劍輝, 叻過林家聲就是一例ｏ（立哥網有許多此類曲評家！）

要求自已太嚴, 根本就苦了自已, 人是有極限的, 做不到就做𣎴到, 也就算了吧ｏ何况一把年紀, 還逞什麽英雄？

有D人根本冇諗過, 並不是人人咁幸運, 可以得天獨厚 （一如黄sir, 超伯之流！）ｏ 有時在閣下是輕而易舉之事, 對某些人來說, 簡直有如挾泰山以超北海也ｏ

又講番黄sir近年新興趣, 跳社交舞, 有位教舞老師, 眼見D長者學生, 左右不分, 拍子不明, 發晒老脾！

好心啦！有D嘢學不來就學不來, 勉強不得, 要求過了份, 𣎴是認真, 而係閣下EQ低吧了！

人有時有些情况, 是無可奈何的, 年紀大了, 手腳慢了, 無復當年勇了ｏ 對於一些過份的好求, 黄SIR只有一笑置之ｏ

做唔倒, 你又吹得黄SIR漲咩？

玩樂人生, 何必要強加咁大壓力於身上呢？

明乎此, 量力而為可也！這也是生活的智慧也！